Сябра руху “За Свабоду” Аляксей Кавалец паведаміў “Свабодзе”, што ля райцэнтра Івацэвічы міліцыянты затрымалі аўтамабіль, у якім знаходзіўся Аляксандар Мілінкевіч:
“Палітык дастаўлены ў Івацэвіцкі РАУС. Міліцыя сьцьвярджае, што нібыта раней вадзіцель аўтамабіля праігнараваў патрабаваньне супрацоўнікаў ДАІ спыніцца”.
Спадар Кавалец удакладніў, што сёньня ў Берасьці загадзя былі прызначаныя сустрэчы Аляксандра Мілінкевіча з журналістамі, грамадзкімі актывістамі і гараджанамі.
