"Многія выклікі, з якімі Эўропа сутыкаецца, не могуць быць пераадолены без Беларусі", — заявіў у інтэрвію тэлеканалу “Euronews” прэзыдэнт Беларусі Аляксандар Лукашэнка.
"Наркотыкі, транзыт нелегалаў, якія запаланілі законна і незаконна ўсю Эўропу і ствараюць праблемы, і шмат што іншае, ажно да транзыту энэрганосьбітаў. Эўропа ў вырашэньні гэтых праблем вельмі зацікаўлена”, — заявіў Лукашэнка.
“Ёсьць узаемны цікаўнасьць, і гэта падштурхоўвае нас да нармальных адносінаў", дадаў ён
Кіраўнік Беларусі назваў паляпшэньне адносінаў з Эўразьвязам пазытыўным момантам.
Лукашэнка паведаміў, што яшчэ не атрымліваў на сустрэчу кіраўнікоў краінаў Эўразьвязу ў Прагу.
Хто паедзе ў Прагу - непрынцыпова...
"Я лічу, што гэта не прынцыпова — хто паедзе… Пытаньне не ў гэтым. Хтосьці будзе ў Празе, мы будзем абмяркоўваць тыя праблемы, якія заключаны ва Ўсходнім партнэрстве".
“Што да Абхазіі і Асэтыі, я ўжо некалькі разоў пра гэта казаў, у нас ёсьць у гэтым сэнсе свая пазыцыя – мы не прымаем ніякага ціску: ні з боку Эўропы, ні з боку Расеі. Гэта нашая сувэрэнная справа — прызнаваць ці не прызнаваць... І мы гэтае пытаньне будзем вырашаць спакойна і абсалютна дэмакратычна…. Я думаю, што Беларусь паступіць прагматычна, разумна і вельмі прыстойна ў адносінах да народаў Абхазіі і Асэтыі”, — заявіў Аляксандар Лукашэнка, адказваюць на пытаньне пра магчымае прызнаньне Беларусьсю сувэрэнітэту Паўднёвай Асэтыі і Абхазіі.
“Euronews” трансьлюецца ў 119 краінах сьвету. 24 гадзіны канал перадае відэахроніку і тэматычныя праграмы на васьмі мовах: ангельскай, арабскай, італійская, гішпанскай, нямецкай, партугальскай, расейскай і францускай.
