Гэтую кнігу эсэ Альгерда Бахарэвіча на кожны дзень цягам мінулага года можна было штодня чытаць на сайце Свабоды.
Пісьменьніца Вольга Іпатава дзеліцца сваім першым уражаньнем ад прачытанай яшчэ на сайце Радыё Свабода новай кнігі Альгерда Бахарэвіча
«Бахарэвіч, на мой погляд, — адзін з самых эпатажных маладых і ўжо больш сталых пісьменьнікаў беларускіх. Калі я яго чытаю, я заўсёды чытаю яго зь вялікай цікавасьцю. Але часам ёсьць нейкія моманты, якія мяне проста раздражняюць — вось з гэтымі яго нечаканымі параўнаньнямі, яго пошукамі, якія, бывае, мне здаюцца вульгарнымі. Але разам з тым я не магу не разумець, што ён шукае ўвесь час. Ён шукае нейкія вобразы, ён шукае нейкія падачы матэрыялаў. І таму я скажу, што ўвогуле я чытаю яго з вялікай цікавасьцю. І галоўнае, што заўсёды чытаю».
Сваё першае чытацкае меркаваньне пра новую кнігу Альгерда Бахарэвіча выказвае кнігараспаўсюднік Алесь Мазанік:
«Любое нейкае такое ноў хаў у беларускай літаратуры мусіць разьвіваць гэтую самую літаратуру. І мне было цікава пазнаёміцца з такім незвычайным позіркам спадара Бахарэвіча. Але кожны раз, чытаючы любую ягоную занатоўку, я заўсёды памятаў пра той прыкры момант, калі ён у адным з сваіх аповядаў называў Янку Купалу недарэчна, няхай і пад псэўданімам. Як я лічу — гэта было хутчэй абразай. І таму кожны раз чытаючы нейкі артыкул гэтага аўтара, я ў першую чаргу ўзгадваў, што гэта той самы Бахарэвіч, які вось так пісаў пра нашага вялікага генія. І пры ўсім тым, што сярод маіх пакупнікоў і ўласна ў маім рэйтынгу сучасных пісьменьнікаў ён займае досыць высокае месца, я лічу, што ніводзін з сучасьнікаў ня мае права так выказвацца пра нацыянальных геніяў. І я думаю, што гэта агромністы яму мінус. Калі аднойчы была зроблена такая памылка, яна будзе перасьледаваць усю далейшую яго творчую кар’еру».
Сваімі першымі ўражаньнямі пра новую кнігу Альгерда Бахарэвіча дзеліцца крытык Ганна Янкута:
«Увогуле кніга эсэ Бахарэвіча, мне здаецца, вельмі чаканая. На маё меркаваньне, эсэ Бахарэвіча — гэта жанр, які вельмі пасуе Бахарэвічу. І прыватна для мяне кожная ягоная кніга эсэ здаецца ўсё больш цікавай. Спачатку я з захапленьнем чытала „Малую мэдычную энцыкляпэдыю“, потым з яшчэ большым захапленьнем чытала „Гамбурскі рахунак“. І таму мне здаецца, што ягоны „Каляндар“ таксама будзе вялікай падзеяй. І я вельмі чакаю, калі змагу патрымаць яго ў руках і прачытаць цалкам».
Іпатава: «Галоўнае, што Бахарэвіча я заўсёды чытаю»
Пісьменьніца Вольга Іпатава дзеліцца сваім першым уражаньнем ад прачытанай яшчэ на сайце Радыё Свабода новай кнігі Альгерда Бахарэвіча
«Бахарэвіч, на мой погляд, — адзін з самых эпатажных маладых і ўжо больш сталых пісьменьнікаў беларускіх. Калі я яго чытаю, я заўсёды чытаю яго зь вялікай цікавасьцю. Але часам ёсьць нейкія моманты, якія мяне проста раздражняюць — вось з гэтымі яго нечаканымі параўнаньнямі, яго пошукамі, якія, бывае, мне здаюцца вульгарнымі. Але разам з тым я не магу не разумець, што ён шукае ўвесь час. Ён шукае нейкія вобразы, ён шукае нейкія падачы матэрыялаў. І таму я скажу, што ўвогуле я чытаю яго з вялікай цікавасьцю. І галоўнае, што заўсёды чытаю».
Мазанік: «Гэта той самы Бахарэвіч»
Сваё першае чытацкае меркаваньне пра новую кнігу Альгерда Бахарэвіча выказвае кнігараспаўсюднік Алесь Мазанік:
«Любое нейкае такое ноў хаў у беларускай літаратуры мусіць разьвіваць гэтую самую літаратуру. І мне было цікава пазнаёміцца з такім незвычайным позіркам спадара Бахарэвіча. Але кожны раз, чытаючы любую ягоную занатоўку, я заўсёды памятаў пра той прыкры момант, калі ён у адным з сваіх аповядаў называў Янку Купалу недарэчна, няхай і пад псэўданімам. Як я лічу — гэта было хутчэй абразай. І таму кожны раз чытаючы нейкі артыкул гэтага аўтара, я ў першую чаргу ўзгадваў, што гэта той самы Бахарэвіч, які вось так пісаў пра нашага вялікага генія. І пры ўсім тым, што сярод маіх пакупнікоў і ўласна ў маім рэйтынгу сучасных пісьменьнікаў ён займае досыць высокае месца, я лічу, што ніводзін з сучасьнікаў ня мае права так выказвацца пра нацыянальных геніяў. І я думаю, што гэта агромністы яму мінус. Калі аднойчы была зроблена такая памылка, яна будзе перасьледаваць усю далейшую яго творчую кар’еру».
Янкута: «Эсэ — жанр, які вельмі пасуе Бахарэвічу»
Сваімі першымі ўражаньнямі пра новую кнігу Альгерда Бахарэвіча дзеліцца крытык Ганна Янкута:
«Увогуле кніга эсэ Бахарэвіча, мне здаецца, вельмі чаканая. На маё меркаваньне, эсэ Бахарэвіча — гэта жанр, які вельмі пасуе Бахарэвічу. І прыватна для мяне кожная ягоная кніга эсэ здаецца ўсё больш цікавай. Спачатку я з захапленьнем чытала „Малую мэдычную энцыкляпэдыю“, потым з яшчэ большым захапленьнем чытала „Гамбурскі рахунак“. І таму мне здаецца, што ягоны „Каляндар“ таксама будзе вялікай падзеяй. І я вельмі чакаю, калі змагу патрымаць яго ў руках і прачытаць цалкам».
