«Тасаваць – гэта ратацыя кадраў. Я ўсім прапанаваў працу. Для некаторых яшчэ шукаем працу, бо мае прапановы не падышлі».

«Няпростая гэта тэма. Старая калода, новая калода. Калода і ёсьць, каб яе тасаваць».

«Гэта няпростае пытаньне кадравае, таму я сам прымаю рашэньне. Я ведаю сваю ўладу. У асобных выпадках яна неабмежаваная. І трэба, каб не напрымаць такіх рашэньняў, калі ўсе будуць цярпець. У мяне гэты тормаз ёсьць».

«Вось недзе нейкія групоўкі, прапіхваюць сваіх. У нас такое немагчыма».

Юры Дракахруст: На ўсіх франтах — безь пераменаў

Першае пытаньне, зададзенае на прэсавай канфэрэнцыі, тычылася пераменаў, карэкцыі ці зьмены эканамічнай і сацыяльнай мадэлі, сфармаванай яшчэ ў 90-я гады. Адказ прэзыдэнта — адназначна адмоўны. Кардынальна ня трэба нічога мяняць. Прычыны — працуе, дае эфэкт, суседзі зайздросьцяць. Можна ўвесьці іншую мадэль — амэрыканскую, але людзі ня вытрымаюць, давядзецца работнікаў на вуліцу выкідаць. Ім пайсьці няма куды. «Гэта не для нас». Але амэрыканская мадэль — не адзіная мадэль капіталізму. Лукашэнка казаў пра пляны ў японскай эканоміцы, але толькі ў Беларусі сярод краінаў рэгіёну прыватны сэктар дае толькі 30% ВУП. Ва ўсіх іншых краінах рэгіёну, у тым ліку ў Расеі і ва Ўкраіне, гэтая доля значна вышэйшая за 50%.

«Нібыта мы тут і калоду тасуем. Але паколькі ёсьць правіла руху зьнізу ўверх. Гэтыя людзі даўно вядомыя, прайшлі гэту лесьвіцу. Міністра прасьцей знайсьці. Кіраўнікі лепшых прадпрыемстваў могуць быць.Тут лягчэй. А вось на гэтыя пасады — ня так проста. Вы згадалі Сямашку. Гэта вельмі кваліфікаваны спэцыяліст, ён ведае ўсе. Ён як бульдог у перамовах. У Семашкі няўжыўчывы характар, але патрэбны ён краіне. Ён сказаў, што тут яшчэ папрацуе. Гэта абазнаны чалавек, энцыкляпэдыя. Чаму я павінен рызыкаваць і прызначаць чалавека і думаць, ці падымецца ён да ўзроўню? Калі б вы бачылі ўсе паперы па прызначэньні кандыдатур! Колькі мы перашарсьцілі кадраў, выбіраючы лепшых».

«Гэта страшная пасада. Як Кабякоў там працаваў, але выжыў. Фінансы рабром сталі. Каго прызначаць — вядома, эканаміста».

Віталь Цыганкоў: Пытаньні ад дзяржаўных СМІ пісалі ў Адміністрацыі.

«Людзі рухаюцца па службовай лесьвіцы зьнізу ўверх. Косінец далёка ня дурань. Доктар навук. Што да прэм'ер-міністра. У любой краіне прэм'ер-міністры на вуліцы не валяюцца. Гэта адзінкі».

Пытаньне СТВ: «Вы абнавілі ўрад. Але не прызначылі замежнікаў».

«Я бананы не ўжываю. Пераб'емся. Таму паскарацца будзем, але настолькі, каб мышцы не парваць».

Наталя Радзіна заклапочаная станам здароўя кіраўніка дзяржавы.

«Мы доўга ішлі да гэтага эканамічнага аб'яднаньня. Хоць Расея была гатовая і да іншых кірункаў. Эканоміка будзе фундамэнтам. Пуцін і Назарбаеў кажуць, што нас прысьпешваць ня трэба. Хоць моманты ёсьць, якія не павінны быць – войны малочныя, мясныя, цукерачныя. Больш выпячваецца драчка з Расеяй. Але яны ёсьць у Расеі і з Казахстанам».