«Я вас ворагамі не лічу, хоць ня згодны з думкай, якую трансьлюе Эўрарадыё. А што вы думалі – закрыць Эўрарадыё? Навошта? Гэта ж падняць яго аўтарытэт. Вы не на столькі для нас небясьпечныя, каб даставаць стрэльбу і страляць. Пакуль у рукапашную разьбярэмся».

«Я зразумеў, што Эўрарадыё – меншае зло, чым Ёсіф Сярэдзіч».

«Дзяржава не павінна сыходзіць з эканомікі».

«У нас жабрацкі заробак у дзяржслужачых».

Усе ў "Карону" па бананы.

Пытаньне пра пэрспэктывы ўвядзеньня адзінай валюты ў Эўразійскім саюзе.

«Гэтае пытаньне на парадку дня не стаіць. Ня думаю, што гэта будзе пры маім прэзыдэнцкім жыцьці».

Аляксандар Лукашэнка: «Тэму адзінай валюты адклалі да 2025 году».

У чым Лукашэнка захоўвае свае ашчаджэньні?

«Я адназначна атрымліваю заробак у рублях. Іншых даходаў няма. Мне прыносяць у канвэрце. Частку заробку пералічваю майму меншаму на ягоны рахунак. Я захоўваю грошы ў левай верхняй шуфлядзе ў канвэрце».

50 мільёнаў (рублёў?) у Лукашэнкі ў загашніку.

«Больш за ўсё не люблю грошы, страшна іх не люблю. Можа, у мяне 50 мільёнаў у загашніку ляжыць. Валюта, якую выдаюць падчас камандзіроўкі, таксама там можа быць».

Юры Дракахруст: Цяжар кароны

«Адправіць на пэнсію – я вельмі жорстка адказаў на гэта ў Крамлі. Вы ведаеце, каму гэта было адрасавана». Можна здагадацца :) Відаць, прынамсі намёк на тое, што гэта было б някепска, Лукашэнку з Крамля быў накіраваны. Што не зусім стасуецца зь ягонымі словамі пра бясхмарныя стасункі паміж афіцыйнымі Менскам і Масквой. Хоць наяўнасьць праблемаў Лукашэнка вельмі асьцярожна прызнаў, адказваючы на пытаньне Зьмітра Лукашука з Эўрарадыё: «Ня трэба казаць, што ўсё на 100% добра».​

Вельмі цікавы пасаж наконт філязофіі ўлады: «Я прэзыдэнт. Мае хацелкі тут ня маюць вялікага значэньня. Я раблю так, як вы хочаце». Сапраўды, звонку здаецца, што кіраўнік, асабліва самаўладны аўтарытарны ўладар, можа зрабіць усё што заўгодна. Пры поглядзе з боку ўлады калідор магчымасьцяў выглядае даволі вузкім. Пры гэтым менавіта ў самаўладнага ўладара – нават у большай ступені, чым у дэмакратычна абранага на пэўны тэрмін лідэра. Як казаў адзін з «бацькоў» псыхааналізу Карл Юнг у знакамітым інтэрвію «Дыягнастуючы дыктатараў»: «Сапраўдны правадыр заўсёды вядзёны».