Нацбанк Беларусі абвясьціў дэнамінацыю зь 1 ліпеня 2016 года. Гэтым разам закрэсьляць чатыры нулі.
У Беларусі зьявяцца манеты ― капейкі і рублі, а таксама новыя банкноты ў 50, 100, 200, 500 рублёў (500 тысяч, 1 мільён, 2 мільёны і 5 мільёнаў да дэнамінацыі).
Як палічыла Эўрарадыё, пры ўмове, што курс даляра захаваецца на сёньняшнім узроўні, то 1 ліпеня 2016 года адзін даляр будзе каштаваць 1,75 рубля. А самая буйная купюра ў 500 рублёў будзе каштаваць 285 даляраў. Цяпер самая вялікая банкнота ў 200 тысяч каштуе 11,5 даляраў.
Эўра будзе каштаваць 1,9 рубля, а 500 рублёў будзе адпавядаць 263 эўра. Адзін беларускі рубель будзе каштаваць 36 расейскіх.
