Аляксандар Лукашэнка на сустрэчы з намесьнікам памочніка міністра абароны ЗША Майклам Карпэнтэрам заявіў, што ў адносінах Беларусі з Захадам акрэсьліўся пэўны пазытыў.
«Я б вельмі хацеў, каб гэта быў новы этап у нашых адносінах», — цытуе Лукашэнку БелТА.
Лукашэнка сказаў пра важнасьць удзелу ЗША ў вырашэньні ўкраінскага крызісу і ў іншых эўрапейскіх справах.
«Збалянсаваць сытуацыю тут, маю на ўвазе Ўкраіну і іншыя тэндэнцыі, бяз Злучаных Штатаў немагчыма», — сказаў ён.
Лукашэнка дадаў, што гэта яго цьвёрдае перакананьне, і нагадаў, што не аднойчы заяўляў пра гэта публічна яшчэ да правядзеньня ў Менску саміту «нармандзкай чацьвёркі».
