Штрафы і арышты да 15 сутак. Міліцэйскае пасьляслоўе да «маршаў недармаедаў»

Вязьню на далі кубка папіць вады

Віктар Міхасёў распавёў пра ўмовы ў камэры ізалятару: жалезны двух’ярусны ложак, камэра на 4 вязьні, сядзеў не з актывістамі, пакармілі толькі раніцай, не далі кубка піць ваду, толькі міску кашы. Піў ваду з-пад крану.

Зьміцер Дашкевіч вызвалены. Жывая трансьляцыя

У Аршанскі суд міліцыянты прывялі карэспандэнтку Свабоды Галіну Абакунчык

​

У Аршанскі суд прывезьлі сябра БХК Васіля Берасьнева, які вёў учорашні мітынг. Яго судзіць Ігар Палякоў.

Галіна Абакунчык не прызнае віны

Судзьдзя Іна Кохава судзіць карэспандэнтку Свабоды Галіну Абакунчык. Яе абвінавачваюць ва ўдзеле ў несанкцыянаваным шэсьці і ў тым, што перайшла дарогу ў неналежным месцы.

Галіна Абакунчык сказала, што не прызнае сваёй віны, бо мела рэдакцыйнае заданьне і яго выконвала — асьвятляць мітынг ў Воршы.

Васіль Берасьнеў заявіў адвод суду з тае прычыны, што не давярае беларускаму правасудзьдзю. Судзьдзя адвод адхіліў.

Берасьнеў не адмаўляе ўдзелу ў мітынгу, гаворыць, што выступаў з тлумачэньнямі дэкрэту. Але яму замінала музыка на плошчы. Расказвае, што аршанскае кіраўніцтва схавалася ад народа.

БАЖ абскардзіць перашкоды журналістам з боку міліцыі

Юрыст Беларускай асацыяцыі журналістаў Алег Агееў у інтэрвію Свабодзе заявіў, што БАЖ будзе патрабаваць завядзеньня крымінальнай справы па факце перашкоды журналістам у іх прафэсійнай дзейнасьці:

«Будзем зьвяртацца з лістом у пракуратуру і, магчыма, у Сьледчы камітэт, каб расьсьледавалі абставіны таго, як міліцыянты перашкаджалі журналістам працаваць. За гэта трэба адказваць паводле закону. І, безумоўна, будзем скардзіцца міністру ўнутраных спраў Шуневічу на ягоных падначаленых».

У Берасьці - паўторныя прысуды тым, хто ўжо адсядзеў 5 сутак

Берасьцейцы Андрэй Дзянюшкін, Руслан Халікаў і Дзьмітры Ляўчук паўторна асуджаныя на 5 сутак за брыдкаслоўе. Паводле пратаколу, актывісты быццам бы лаяліся, калі выходзілі з папярэдняй 5-сутачнай адседкі, на якую трапілі за ўдзел у «Маршы недармаедаў» у Берасьці 5 сакавіка.

«Галоўны арганізатар акцыяў пратэсту — Лукашэнка, а дапамагае Шчоткіна», — заявіў на судзе Васіль Берасьнеў, якога судзяць сярод іншых за ўдзел у аршанскім «Маршы недармаедаў». Ён кажа, што «судзіць трэба сапраўдных арганізатараў», ён жа толькі ўдзельнічаў у мірным сходзе, да гвалту не заклікаў.

Берасьнеў тлумачыць: ён выйшаў наперад калёны, каб прадухіліць сутыкненьні з АМАПам, мірна давёў людзей да райвыканкаму.

Судзяць Галіну Абакунчык: нібыта ўдзельнічала ў несанкцыянаваным шэсьці

Судзьдзя зачытала міліцэйскі пратакол, паводле якога Абакунчык была затрыманая і адмовілася назваць сябе — Абакунчык жа сьцьвярджае, што ў яе не пыталіся прозьвішча, проста гвалтам схапілі і пацягнулі. Яна заявіла ў судзе, што не прызнае сваёй віны, бо мела рэдакцыйнае заданьне і яго выконвала — асьвятляць мітынг у Воршы, а яе і іншых журналістаў «гвалтам схапілі і пацягнулі волакам ды заштурхалі ў пастарунак», некалькі гадзінаў трымалі без тлумачэньняў.

Журналістка Галіна Абакунчык аштрафаная судом на 25 базавых велічынь – 575 рублёў.

Пачалі судзіць Андрэя Юркова

Актывіст прыехаў учора на марш «недармаедаў» у Воршу з Горацкага раёну Магілёўскай вобласьці.

Васіль Берасьнеў арыштаваны Аршанскім судом на 14 сутак.

Берасьцейскі каардынатар кампаніі «Гавары праўду» Даніл Палянскі атрымаў 230 рублёў (10 базавых велічыняў) штрафу за ўдзел у другім «Маршы недармаедаў», які адбыўся ў Берасьці 26 лютага.

Студэнт зь Берасьця Канстанцін Копаць атрымаў 15 сутак адміністрацыйнага арышту за ўдзел у несанкцыяванай акцыі.

Судзяць карэспандэнтку «Белсату»

Журналістку тэлеканалу «Белсат» Кацярыну Бахвалаву ў судовую залю прывялі 4 міліцыянты.

Міліцыянты не дазволілі перадаць вады Кацярыне Бахвалавай і не пускалі ў судовую залю яе мужа.

Аднаго зь лідэраў БХД Паўла Севярынца ў Аршанскім судзе пачнуць судзіць а 15-й гадзіне. Судзьдзя Т.А. Рыбакова.

Кацярыну Бахвалаву судзяць за непадпарадкаваньне міліцыі і парушэньне закону аб СМІ. Кацярына плача ў судовай залі. Яе супакойвае муж Ігар Ільяш.

Кацярына сказала ў судзе, што галадала, адмаўлялася ад турэмнай ежы.