Міністэрства абароны Польшча прапанавала Злучаным Штатам разьмясьціць на тэрыторыі краіны на пастаяннай аснове бранятанкавую дывізію. На стварэньне амэрыканскай ваеннай базы Варшава гатовая вылучыць да 2-х мільярдаў даляраў. Гэта вынікае з дакумэнта, які апублікаваў польскі партал onet.pl.
У ваенным ведамстве Польшчы сапраўднасьць дакумэнта пад назвай «Прапанова аб пастаяннай прысутнасьці ЗША ў Польшчы» пацьвердзілі. У дакумэнце гаворыцца, што галоўная мэта прапановы — «стрымліваньне ўзмоцненай і небясьпечнай пазыцыі Расеі, якая пагражае Эўропе». Паведамляецца, што база можа разьмясьціцца ў так званым «Сувальскім калідоры», які злучае Польшчу з краінамі Балтыі.
Апазыцыя гэты зварот з адчувальнымі дадзенымі пра інфраструктуру рэзка раскрытыкавала, заявіўшы аб «непрафэсіяналізьме» аўтараў дакумэнта. Публікацыю прапановаў сустрэла і крытыка ўнутры ўраду. Дакумэнт ня быў кансультаваны ані з МЗС, ані з прэзыдэнцкім Бюро Нацыянальнай Бясьпекі. Адзін з польскіх чыноўнікаў сказаў назваў у інтэрвію гэты дакумэнт у інтэрвію onet.pl «вялікай памылкай». Вядома, што дакумэнт быў падрыхтаваны яшчэ ў часы, калі міністрам абароны Польшчы быў Антоні Мацярэвіч, якога адправілі ў адстаўку.
Сьцьвярджаецца, што дакумэнт быў перададзены па афіцыйных каналах амэрыканскай адміністрацыі і амэрыканскім дасьледчым цэнтрам. Рэакцыі Вашынгтона пакуль няма.
