Прэзыдэнт ЗША Дональд Трамп падпісаў распараджэньне, якое працягвае адмову ЗША ад наданьня негуманітарнай і ня зьвязанай з гандлем дапамогі для Беларусі.
Сёлета Беларусь таксама не атрымлівала негуманітарнай дапамогі ЗША.
Акрамя Беларусі, у сьпіс краінаў, якім адмоўлена ў падобнай амэрыканскай дапамозе, увайшлі: Бэліз, Балівія, Бірма, Бурундзі, Кітай, Каморскія астравы, Рэспубліка Конга, Дэмакратычная Рэспубліка Конга, Экватарыяльная Гвінэя, Габон, Іран, Лаос, Маўрытанія, Папуа-Новая Гвінэя, Паўднёвы Судан, Туркмэністан і Вэнэсуэла.
