З 1 лютага ў Беларусі павышаюцца мінімальныя спажывецкія бюджэты. Гэта вынікае з пастановы Мінпрацы ад 23 студзеня 2019 году, паведамляе сайт міністэрства.
Паводле новых разьлікаў мінімальныя бюджэты павінны быць такія:
- Працаздольныя — 451 рубель;
- Пэнсіянэры — 353 рублі 52 капейкі;
- Студэнты — 333 рублі 88 капеек;
- Дзеці да 3 гадоў — 284 рублі 17 капеек;
- Дзеці ад 3 да 6 гадоў — 373 рублі 58 капеек;
- Дзеці ад 6 да 18 гадоў — 382 рублі 31 капейка;
- Сям’я з чатырох чалавек — 351 рубель 28 капеек (на аднаго чальца сям’і);
- Маладая сям’я з трох чалавек — 382 рублі 11 капеек (на аднаго чальца сям’і).
Мінімальныя спажывецкія бюджэты бяруцца за аснову пры разьліках асноўных фізіялягічных і сацыяльна-культурных патрэбаў чалавека.
Мінімальны спажывецкі сярэднедушавы бюджэт сям’і з чатырох чалавек служыць асновай для вызначэньня права грамадзян на атрыманьне льготных крэдытаў і субсыдый на будаўніцтва або набыцьцё жыльля.
Такія памеры мінімальных спажывецкіх бюджэтаў будуць да 30 красавіка гэтага году. Пасьля ў Мінпрацы іх перагледзяць.
