Раніцай 7 кастрычніка на тэрыторыі Мазырскага нафтаперапрацоўчага заводу грузавік не прапусьціў аўтобус з супрацоўнікамі НПЗ, ад сутыкненьня аўтобус перакуліўся на бок, паведамляе Міністэрства ўнутраных справаў.
У салёне аўтобуса былі 12 пасажыраў і кіроўца. Адзін з пасажыраў, 33-гадовы супрацоўнік НПЗ, загінуў — вылецеў праз акно, яго прыціснула аўтобусам. З траўмамі рознай ступені цяжкасьці шпіталізаваныя 11 пасажыраў, а кіроўцы не пацярпелі.
Сьледчы камітэт паведаміў Радыё Свабода, што на месцы здарэньня яшчэ сьледча-апэратыўная група, а падрабязная інфармацыя зьявіцца пазьней.
