Зварот гомельскага актывіста Ўладзімера Няпомняшчых мелі трансьляваць 22 кастрычніка а 19.00, але зьнялі з эфіру, паведамляе АГП.
«Галоўная мая віна ў тым, што першым пунктам маёй праграмы ў парлямэнце будзе імпічмэнт Лукашэнкі», — патлумачыў кандыдат.
У звароце ён таксама прапанаваў абмежаваць ахову прэзыдэнта двума супрацоўнікамі і заявіў, што будзе дамагацца для дэпутатаў мінімальнай пэнсіі па краіне.
Няпомняшчых паабяцаў неўзабаве выкласьці свой выступ у інтэрнэт.
