Пытаньне цаны расейскага газу для Беларусі яшчэ абмяркоўваецца, канчатковага рашэньня пакуль няма, заявіў журналістам міністар энэргетыкі Расеі Аляксандар Новак.
«Пытаньне толькі ў цане, па якой Беларусь хоча зьніжку. Але гэта яшчэ абмяркоўваецца, — цытуе Новака агенцтва ТАСС. — Канчатковых рашэньняў яшчэ няма».
«Мы знаходзімся ў пастаянным рэжыме зносін, кансультацыі не сканчаліся», — дадаў міністар.
20 сьнежня Аляксандар Лукашэнка заявіў, што ў 2020 годзе Беларусь мае намер закупіць у Расеі каля 20 млрд кубамэтраў газу і 24-25 млн тон нафты. Паводле Лукашэнкі, у цэлым яна застанецца на сёлетнім узроўні ($127 за тысячу кубамэтраў).
