16.57 Перад праспэктам Незалежнасьці ў Менску да калёны рабочых МТЗ далучыліся сотні менчукоў, якія стаялі ўздоўж дарогі з кветкамі і балёнікамі. Цяпер усе разам пайшлі па праезнай частцы ў бок Плошчы перамогі і далей да Дому ўраду
17.00, МЕНСК. Дзяўчаты выйшлі з плякатамі на акцыю каля Камітэту дзяржаўнай бясьпекі Беларусі.
Да пратэстоўцаў далучыліся супрацоўнікі дзяржаўнага тэлеканалу СТВ
17.00 У Менску каля 20 працаўнікоў тэлеканалу СТВ выйшлі на пратэст. Яны стаяць каля галоўнага будынку на вуліцы Камуністычнай. Трымаюць плякаты «СТВ за справядлівыя выбары, «СТВ за мір», паведамілі Свабодзе відавочцы падзеі
МЕНСК. Да калёны рабочых МТЗ далучыліся іншыя дэманстранты
У Менску на праспэкце Незалежнасьці калёны працоўных МТЗ і іншых дэманстрантаў сустрэліся ў раёне недабудаванага гатэлю «Кэмпінскі». Людзі рушаць па праезнай частцы ў бок Дому ўраду.
Калёна пратэстоўцаў разам з працоўнымі МТЗ ідзе далей да плошчы Незалежнасьці і зьбірае ўсё больш людзей. Людзі не пайшлі на Кастрычніцкую плошчу. Яны скандуюць «Сыходзь».
ВІЦЕБСК. Каля 1000 чалавек сабралася ля аблвыканкаму
17.05 Каля тысячы чалавек сабралася каля будынка аблвыканкама ў Віцебску. Яны падпісаліся пад пэтыцыяй, у якой патрабуюць прызнаць фальсыфікацыі на выбарах, спыніць гвалт і адпусьціць палітзьняволеных.
Гараджане патрабуюць, каб да іх выйшаў прадстаўнік улады. Людзям кажуць, што працоўны дзень скончаны. Просяць прыйсьці ў панядзелак, у працоўны час. Людзі не разыходзяцца.
Віцябляне не дачакаліся, калі да іх выйдуць улады. Сумесна вырашылі сабрацца ў нядзелю. Частка людзей рушыла да гарвыканкаму. Частка - падтрымаць чыгуначнікаў і мждыкаў, якія выйшлі ў іншых частках гораду.
БАРАНАВІЧЫ. Людзі выйшлі да гарвыканкаму
Міліцыянты пішуць заявы на звальненьне і публікуюць у сацсетках
Сёньня намесьнік начальніка страявой часткі факультэту міліцыі маёр міліцыі Аляксей Собаль апублікаваў у Інстаграме заяву на звальненьне.
Яшчэ адна публікацыя ў Інстаграме:
Рабочыя МТЗ дайшли да Дому ўраду
Дэманстранты МТЗ і тыя, хто далучыўся да іх на праспэце Незалежнасьці, выйшлі на плошчу Незалежнасьці, да помніка Леніна. Там там іх чакалі іншыя. Карэспандэнт Свабоды Алег Грузьдзіловіч ацэньвае колькасьць удзельнікаў мітынгу у больш за 10 тысяч чалавек. Міліцыі на плошчы няма.
«Выходзь», «Размаўляй!», «Лічы галасы!», «Мы за мір!» «Жыве Беларусь», – крычаць пратэстоўцы ля Дома ўраду. Адтуль ніхто не выходзіць.
Перад Домам ураду выйшаў ланцуг з 30 салдат унутраных войскаў і 2 канадзіраў у зялёнай форме, у касках і са шчытамі. Да іх падышлі дзяўчаты з кветкамі. Амапаўцы кажуць, што ня будуць біць людзей. Адбываецца братаньне.
Працоўныя «Беларуськалію» і МТЗ патрабуюць адказаў ад чыноўнікаў. УЖЫВУЮ
Сёньня працоўныя ТАА «Беларуськалій» заклікалі кіраўніцтва прадпрыемства і гораду прыйсьці да ўваходу ў будынак і адказаць на іхныя пытаньні. Яны патрабуюць спыніць свавольства праваахоўных органаў. Таксама на вуліцу выйшлі і працоўныя МТЗ.
З турмаў вызвалілі 16 мэдыкаў
«Міністэрства аховы здароўя сумесна з МУС правялі працу дзеля вышуку ў месцах часовага ўтрыманьня і вызваленьня затрыманых работнікаў сыстэмы аховы здароўя». 16 чалавек вызваленыя. «Частка з нашых калегаў пачала працаваць», — расказалі ў прэс-службе міністэрства. На гэты момант сярод затрыманых няма работнікаў сыстэмы аховы здароўя.
ГОРАДНЯ: Пратэстоўцы сабраліся на плошчы Леніна
Менск: ля Дому ўраду дэманстранты скандуюць «Сьвета — прэзыдэнт!»
Дэманстранты на плошчы Незалежнасьці скандуюць: «Сьвета — прэзыдэнт!» Яны маюць на ўвазе Сьвятлану Цінахоўскую, якая цяпер знаходзіцца ў Літве, а ЦВК прызнаў пераможцам выбараў Аляксандра Лукашэнку. Ад ЦВК і ўраду да пратэстоўцаў ніхто не выйшаў, перадае карэспандэнт Свабоды.
Гурт БИ-2 запісалі зварот у падтрымку беларусаў
Ля дому ўраду дзяўчаты кінуліся адбымаць салдат унутраных войскаў