Чэхія прапануе мэдычную дапамогу і рэабілітацыю пацярпелым ад гвалту ў Беларусі
У Чэхіі нарадзілася ініцыятыва мэдычнай дапамогі беларусам, пацярпелым ад гвалтоўных дзеяньняў і катаваньняў пасьля 9 жніўня. У ініцыятыве ўдзельнічаюць мэдыкі беларускага паходжаньня, якія жывуць і працуюць у Чэхіі.
Калі гэта раптам Майдан стаў сымбалем пагромаў для ЭЗ?
«Майдан, які вы так недарэчна згадваеце, — найвышэйшая праява грамадзянскай адказнасьці і чалавечай годнасьці. І яе ахвяры, і мы, яе вядомыя і невядомыя ўдзельнікі, настойваем на гэтым і будзем гэта абараняць. Дарэчы, Майдан нагадаў і самім грамадзянам абʼяднанай Эўропы пра каштоўнасьці і цану, якую за іх даводзіцца плаціць. Майдан — пункт адліку сапраўднай Украіны. А можа — і новай, лепшай Эўропы», — піша Андрэй Весялоўскі з украінскага Нацыянальнага інстытуту стратэгічных дасьледаваньняў
Саюз журналістаў Нямеччыны падтрымаў страйкоўцаў беларускай тэлевізіі
«Ад імя больш як 30 тысяч нашых сябраў выражаю салідарнасьць з вамі і натхняю на барацьбу за свабоду СМІ ў вашай краіне мірнымі сродкамі», — заявіў старшыня саюзу Франк Юбэраль.
Брытанскія экспэрты пра беларускія дылемы Крамля
Сваё бачаньне розных варыянтаў паводзінаў Расеі ў беларускім крызісе выклалі брытанскія палітолягі: супрацоўнік брытанскага Royal United Services Institute Марк Галеоці і супрацоўнік Chatham House Кейр Джайлс. Яны адказалі на пытаньні дасьледнага праекту Wikistrat.
Музычная прагулка з барабанамі і сьцягамі. У Віцебску прайшло шэсьце ў незвычайным фармаце
21 жніўня ў Віцебску адбылася акцыя пратэсту ў незвычайным фармаце. Дэманстранты назвалі яго музычнай прагулкай.
Наперадзе калёны ішлі барабаншчыкі. Побач зь імі людзі несьлі тры сьцягі: афіцыйны, бел-чырвона-белы і сьцяг Віцебску.
Міліцыя папярэджвала, што акцыя несанкцыяваная, але нікога не затрымлівала.
Дзе чытаць Свабоду, абыходзячы блякаваньне
У Беларусі недасяжны сайт Радыё Свабода. Кліенты апэратараў МТС і Белтэлекаму (ByFly) атрымліваюць паведамленьні, што сайт заблякавала Міністэрства інфармацыі на падставе закону аб СМІ. Прапануем спосабы абыходу блякаваньня.