Горадня. Некалькі сотняў пратэстоўцаў зь бел-чырвона-белымі сьцягамі сабраліся каля чыгуначнага вакзала пад праліўным дажджом. Скандуюць «Жыве Беларусь», «Гэта наш горад», «Лукашэнка, сыходзь». Ім сыгналяць машыны. Міма езьдзіць калёна машынаў з чырвона-зялёнымі сьцягамі
У Магілёве пачаўся марш
Калёна ў тысячу чалавек рушыла па цэнтральнай вуліцы Першамайскай. Скандуюць «Сыходзь», «Жыве Беларусь»
Вялікая калёна з аўтазаводу стаіць на вуліцы Леніна каля мастацкага музэю. Вайскоўцы не прапускаюць далей
Фота чытача
Жанчыны леглі на дарогу на праспэкце Незалежнасьці
Людзі ідуць па вуліцы Леніна ў бок Незалежнасьці, выходзяць на праезную частку
Ад Плошчы Перамогі да цырку некалькі дзясяткаў тысяч чалавек рухаецца ў бок цэнтру. Яны занялі праезную частку ажно да Кастрычніцкай плошчы, ім ніхто не перашкаджае.
Праспэкт Незалежнасьці ад плошчы Перамогі да цырку цяпер
АМАПам заблякаваныя некалькі тысяч чалавек на ўчастку ад КДБ да вуліцы Леніна, людзі з другога боку праспэкту падыходзяць да АМАПу ў тыл. Пратэстоўцы ў раёне McDonalds выйшлі на праезную частку. Дзясяткі аўтамабіляў АМАП каля КДБ, руху машын на праспэкце няма.
Магілёў. На пляцоўцы ля гандлёвага цэнтру «Атрыюм», на якой разгорнуты кірмаш і якую патрулююць міліцыянты, пачалі зьбірацца пратэстоўцы. Іх папярэдзілі міліцыянты, што тут праходзіць санкцыянаванае мерапрыемства, і папрасілі яму не перашкаджаць. Спробаў разгону няма. На пляцоўцы больш за 100 чалавек. Капітан трэцяга рангу ў адстаўцы першым выгукнуў «Жыве Беларусь».
З боку вуліцы Нямігі на праспэкт Незалежнасьці ідзе як мінімум тысяча людзей, каля іх на праспэкт паехалі аўтазакі. Людзі крычаць: «Ганьба! Трыбунал!»
Каля ГУМа калёну разьбілі на часткі. Некаторых затрымліваюць
Да калёны пратэстоўцаў далучыліся лекары
Пачаліся затрыманьні людзей на падыходах да плошчы Незалежнасьці. Людзі разьбягаюцца ў двары. Аўтазакі перакрываюць выхады на праспэкт з вуліц. Забляквалі людзей, там жа знаходзяцца дзясяткі аўтазакаў. Некалькі тысяч чалавек заблякаваныя, — перадае карэспандэнт Свабоды.
Тысячы людзей ідуць па тратуарах праспэкта Незалежнасьці, перадаюць карэспандэнты Свабоды. Поўныя тратуары людзей са сьцягамі, шмат моладзі, ідуць па ходніках з боку ГУМу далей у цэнтар.
Узброеныя людзі ў вайсковай форме і вайсковая гукавяшчальная станцыя каля плошчы Перамогі
Каля парку Чалюскінцаў АМАП спрабаваў разагнаць калёну
Каля парку Чалюскінцаў амапаўцы спрабавалі разьбіць калёну пратэстоўцаў. Людзі разьбегліся, але калі АМАП зьехаў, пратэстоўцы працягнулі рух. Невядома, ці быў нехта затрыманы.
Пратэст у Менску. Жывая трансьляцыя тэлеканалу «Настоящее время»
Яшчэ адна калёна ідзе ўздоўж Партызанскага праспэкту
Менск, мэтро «Ўсход», фота ад чытача. Людзі ідуць у цэнтар таксама зь Міхалова, Пушкінскай, Новай Баравой, Заводзкага раёну
Вайскоўцы ў чорных балаклавах і бяз знакаў адрозьненьня ўстанаўліваюць агароджу вакол стэлы і музэя Вялікай айчыннай вайны. Яны ўзброеныя аўтаматамі.