Берасьце. Міліцыя дзяжурыць каля завода Gefest
Паводле інфармацыі зь Берасьця, на прадпрыемствах гораду пакуль невядома пра актыўныя страйкі. Пра гэта Свабодзе паведаміў праваабаронца Раман Кісьляк. Мясцовы тэлеграм-канал «Берасьце: чуткі і факты» паведамляе пра зборышча міліцыі ля прахадной заводу «Брэстгазапарат» (гандлёвая марка Gefest) і ля канцавога прыпынку мясцовага аўтапарку, дзе зьбіраюцца на прыпынак гарадзкія аўтобусы.
На «Гродна Азот» страйкуюць каля 150 чалавек
Да іх на новую прахадную прыехаў генэральны дырэктар Ігар Бабыр і галоўны інжынэр Сяргей Сілівонік, угаворваюць пачаць працу. Вядомыя прозьвішчы двух затрыманых з цэху азотнай кіслаты і кампрэсіі. Іншыя работнікі цэха застаюцца на заводзе, але не пачынаюць да працы. Начальнік просіць іх выйсьці за тэрыторыю прадпрыемства.
Менск. «Інтэграл»
Менск. Мэдыкі РНПЦ «Кардыялёгія» сталі ў ланцуг салідарнасьці
Менск. Студэнты БДУІР таксама выйшлі на забастоўку
На «Беларуськаліі» стайкуе 36 чалавек
«Улады моцна напалохаліся, каля кожнай прахадной дзяжураць міліцэйскія бусы», — пра гэта паведаміў сябра страйкаму «Беларуськалія» Аляксандр Курбан. Паводле яго, 26 кастрычніка да адкрытага страйку на прадпрыемстве далучыліся яшчэ 3 шахтары, цяпер страйкуе 36 чалавек.
«Але настроі яшчэ шмат у каго такія, што трэба далучацца. Адчуваецца вялікае працідзеяньне з боку адміністрацыі. Выйшаў загад, каб дзяжурылі адмысловыя групы і калі нехта затрымаецца ў шахце, каб адразу яго падымалі на паверхню», — дадаў Аляксандр Курбан. Шахтар ня выключыў, што ў канцы дня пройдзе сход працаўнікоў прадпрыемства з абмеркаваньнем становішча і плянаў пра забастоўку.
Менск. «Атлант»
Так выглядала раніца на «Атланце», працаўнікі таксама заклікалі далучацца да забастоўкі. Пасьля гэтага, як нам паведамілі чытачы, там адбыліся затрыманьні.
Відавочцы пішуць, што да пратэсту далучаецца больш рабочых.
Менск. МТЗ
Намесьнік гендырэктара па ідэалёгіі Андрэй Сусьлянкоў разам зь іншымі кіраўнікамі спрабавалі не пусьціць рабочых у цэх: «На якой падставе вы заходзіце ў цэх?!»
Менск. МТЗ
На МТЗ у прэсавым цэху супрацоўнікі заводу ідуць маршам з воклічамі «Далучайся!»
Менск. МЗКЦ
«На тэрыторыі заводу каля аднаго з цэхаў зьбіраюцца людзі. Да страйкоўцаў выйшаў ідэоляг. Кажа, што ён тут галоўны, а страйкоўцы парушаюць закон», паведаміў наш чытач.
Два цэхі «Гродна Азот» не прынялі зьмену: «Аміяк-3» і зьвязаны зь ім «Карбамід-4»
Прынамсі чацьвярых чалавек з «Аміяку-3», якія меліся ісьці на зьмену, затрымалі. Астатнія адмаўляюцца прыступаць да працы. На тэрыторыю завода заехалі дзьве вялікія машыны з АМАПам. Людзей угаворваюць пачаць працу.
Забастоўка на МЭТЗ у Менску
Менскі завод колавых цягачоў
Паводле неправеранай інфармацыі, спынілі працу рабочыя Менскага электратэхнічнага заводу
Рабочыя ідуць маршам па тэрыторыі МЗКЦ
Дзясяткі рабочых-пратэстоўцаў на тэрыторыі МТЗ
Сядзячая забастоўка ў БДУ
На «Гродна Азот» затрымалі прыкладна 5-10 чалавек
Астатнія паехалі дадому, пайшлі ў іншыя месцы або зайшлі на тэрыторыю заводу. Тэрыторыю каля «Гродна Азот» працягваюць ахоўваць амапаўцы, сказаў лідэр страйкаму Юры Рававы.
У Горадні на працу ня выйшлі каля 150 таксоўцаў
Каля Белгазпрамбанку на вуліцы Прытыцкага затрымалі траіх людзей, якія спрабавалі перакрыць рух