Менск. Праспэкт Незалежнасьці паралізаваны
Рух каля праспэкту Незалежнасьці ў цэнтры амаль паралізаваны супрацоўнікамі ДАІ. Шматлікія пад’езды да праспэкту перакрытыя.
Менск. ПВТ
Трэці раз за дзень ля ПВТ разганялі акцыю пратэсту, піша Onliner.by. Чытачы #МотолькоПомоги бачылі там чалавека, падобнага да кіраўніка ГУБАЗіК Карпянкова.
Марш пэнсіянэраў і студэнтаў дайшоў да цырку
Галава калёны дайшла да цырку, хваста яшчэ не відаць.
Менск. Марш пэнсіянэраў і студэнтаў дайшоў да Кастрычніцкай плошчы
Менск. ДАІ перакрывае праспэкт Незалежнасьці
У Горадні пачаўся марш пэнсіянэраў і лекараў
Каля 20 гарадзенцаў сабраліся ў парку Жылібера і рушылі ў павольны марш па горадзе. Жанчыны з букетамі жоўтага лісьця, хтосьці ў бел-чырвона-белай масцы, хтосьці ў адзеньні белага і чырвонага колераў. Калі калёна праходзіла каля ўнівэрсытэту імя Янкі Купалы, дэманстранты тройчы выгукнулі «Жыве Беларусь». Ім у падтрымку сыгналілі аўтамабілі.
У парку Жылібера стаіць міліцэйская машына і аўтобус, каля Вечнага агню дзяжураць некалькі дэсантнікаў.
Менск. Марш пэнсіянэраў ужо прайшоў КДБ
Менск. ВПТ
Каля Парку высокіх тэхналёгій ужо другі раз сілавікі разагналі пратэст, цяпер шукаюць пратэстоўцаў у лесе, піша Dev.by.
Менск. Да маршу пэнсіянэраў далучыліся студэнты
Студэнты далучыніся да пэнсіянэраў на плошчы Незалежнасьці. Калёна пачала рухацца ўздоўж праспэкту. Моладзь, сталыя і пажылыя людзі — усе яны разам ідуць, скандуючы «Забастоўка!»
Менск. БДУ. АМАП адступіў перад студэнтамі
У двары БДУ студэнты стаяць шчыльнымі шэрагамі.
АМАП паспрабаваў выціснуць студэнтаў, ае ўрэшце сышоў.
40 шахтароў страйкуюць на «Беларуськаліі»
Да страйку на «Беларуськаліі» за першую палову дня далучыліся яшчэ 5 работнікаў, паведамілі ў страйкаме. Сярод іх Ігар Гарбацэвіч з 4-га рудніка і Аляксандар Ільюшчыц з 1-га рудніка. Цяпер, паводле страйкаму, у страйку бяруць удзел каля 40 працаўнікоў, ёсьць імавернасьць, што далучыцца яшчэ цэлая брыгада шахтароў.
У страйкаме кажуць, што на 5 гадзінаў дня намечаны сход работнікаў прадпрыемства каля «сьвечкі» — гэтак называюць галоўны корпус адміністрацыі «Беларуськалію». У страйкаме разьлічваюць, што на сход прыйдуць і жыхары Салігорску, якія падтрымліваюць патрабаваньні аб адстаўцы Лукашэнкі.
Менск. ПВТ
Пратэстоўцы вярнуліся ў ланцуг пасьля разгону.
На МКАД побач з ПВТ спыніўся рух.
Ужо больш за 100 затрыманых у Беларусі
Праваабаронцы сабралі прозьвішчы ўжо больш за 110 затрыманых у першы дзень страйку.
Менск. Студэнты працягваюць пратэставаць
- Студэнты БДЭУ пад Мотавелазаводам скандуюць «Забастоўка!».
- Студэнты БДУ працягваюць акцыю ў двары на Ленінградзкай.
Менск. БДЭУ
Менск. Мэдыкі прыйшлі падтрымаць рабочых
Мэдыкі з 6 клінічнага шпіталю прыйшлі падтрымаць рабочых Менскага электратэхнічнага заводу.
Менск. Каля ПВТ разагналі акцыю салідарнасці
Каля тысячы чалавек сталі ў ланцуг салідарнасьці каля ПВТ. Міліцыянты разагналі людзей з дапамогай спэцсродкаў. Відавочцы чулі выбухі, як ад сьвятлашумавых гранат.
Менск. БДУ
Да ўваходу ў галоўны корпус БДУ на плошчы Незалежнасьці пад'ехаў аўтазак. Студэнты сталі ў счэпку.
Менск. «Ланцугі салідарнасьці» ў розных раёнах
Берасьце. Працу спынілі толькі прыватныя ўстановы
- Спынілі працу шэраг кавярняў і прыватных крамаў. Па стане на 13 гадзін 26 кастрычніка пра страйкі супрацоўнікаў дзяржаўных прадпрыемстваў Берасьця інфармацыі няма.
- Раніцай мясцовы тэлеграм-канал «Берасьце: чуткі і факты» паведамляў пра зборышча міліцыі ля прахадной заводу «Брэстгазапарат» (гандлёвая марка Gefest) і ля канцавога прыпынку мясцовага аўтапарку, дзе зьбіраюцца гарадзкія аўтобусы. Аднак пра затрыманьні рабочых заводу Gefest альбо кіроўцаў аўтобусаў паведамленьняў не было.
- Паводле інфармацыі Свабоды, 26 кастрычніка працу спынілі некаторыя прыватныя фірмы і шэраг кавярняў Берасьця. У прыватнасьці, кавярні Coffeekot і Bazar абвесьцілі 26 кастрычніка санітарным днём і закрыліся.
- Падобная сытуацыя яшчэ ў прыблізна дзясятку кавярняў, паведамляе тэлеграм канал «Кот Рагачука».
- Жыхары Берасьця таксама паведамляюць, што мясцовае аддзяленьне інтэрнэт-крамы OZ.BY не дастаўляе замовы ў панядзелак, не працуе таксама сетка Dominos Pizza і крама турыстычнага рыштунку Travers.