Прадстаўнікі грамадзянскай ініцыятывы «Беларусы замежжа» зьвярнуліся зь лістом у Міністэрства замежных справаў Беларусі. У ім гаворыцца:
«Мы, беларусы, якія пражываюць у 840 гарадах і 62 краінах сьвету, падпісалі вотум недаверу да міністра замежных спраў Рэспублікі Беларусь, старшыні Кансультацыйнай рады ў справах беларусаў замежжа пры МЗС Уладзімеру Макею.... Mы выказваем недавер МЗС Рэспублікі Беларусь, усяму складу Кансультацыйнай рады ў справах беларусаў замежжа і не жадаем, каб Уладзімер Макей вызначаў стратэгію міжнародных адносінаў нашай Радзімы».
Грамадзянская ініцыятыва заяўляе, што хоча даць Ўладзімеру Макею апошні шанец і запрашае яго выступіць на Сусьветным кангрэсе беларусаў 31 кастрычніка 2020 году і даць справаздачу дыяспары аб праведзенай ім працы ў дачыненьні да беларусаў замежжа.
У адваротным выпадку ініцыятыва настойвае на адстаўцы міністра.
Зварот апублікаваны на сайце Сусьветнага кангрэсу беларусаў.
