Студэнты Беларускага дзяржаўнага эканамічнага ўнівэрсытэту сабраліся на ланцуг салідарнасьці з пацярпелымі за сваю палітычную пазыцыю на плошчы Ванеева ў Менску.
Паводле відавочцаў, на акцыю а 12.40 прыехала 2 аўтобуса з сілавікамі, забралі каля 5 студэнтаў.
«Студэнцкая ініцыятыўная група» паведаміла, што затрымалі 5 студэнтак: Кацярыну Лявонаву, Арыну Брусьнігіну, Марыю Курэнь, Анастасію Глушэнь і Алёну Яшкіну. Дзяўчат даставілі ў Заводзкае РУУС. Па словах адной зь іх, здаецца, вязуць на Акрэсьціна.
