Такія зьвесткі са спасылкай на фэдэральную паліцыю прывяла прадстаўніца Міністэрства ўнутраных спраў Рыта Шварцэлюр-Зутэр у адказ на дэпутацкі запыт члена апазыцыйнай фракцыі хрысьціянскіх дэмакратаў Аляксандра Трома.
Як адзначае агенцтва «Позірк», сёлета ў першым квартале ў параўнаньні зь першым кварталам 2023 году колькасьць зарэгістраваных выпадкаў незаконнага ўезду ў Нямеччыну з выкарыстаньнем беларускай тэрыторыі зьнізілася ў 4,7 раза (з 2.174 да 464).
Згодна з падлікамі «Позірку», заснаванымі на штодзённых зьвестках памежных службаў суседніх краін Эўразьвязу, у 2024 годзе пік нелегальных пераходаў мяжы зь Беларусі прыпаў на травень, калі было спынена 7.694 такія спробы. У чэрвені такіх спробаў было 4.236.
З 1 студзеня па 12 ліпеня спынена 23.971 спроба незаконнага пранікненьня ў Эўразьвяз зь Беларусі, у тым ліку 922 — з пачатку ліпеня. Польшча папярэдзіла 20.675 спробаў (444 у ліпені), Латвія — 3.019 (454), Літва — 277 (24).
Форум