Пад Магілёвам ля вёскі Сумарокава затрымалі 11 чалавек, якія ехалі ў Менск на канцэрт. Іхную машыну спынілі міліцыянты і заявілі, што ёю перавозяцца наркотыкі. Як паведамляюць затрыманыя з імі абыходзяцца зьняважліва. Вязуць трыма машынамі ў магілёўскі раённы аддзел міліцыі.
Журналістка, якая супрацоўнічае зь «Белсатам», ня можа выехаць з дому.
Падрыхтоўка да #БНР100:
У цэнтар Менску зьяжджаюцца аўтазакі — карэспандэнт Свабоды бачыў чатыры за хвіліну на праспэкце Незалежнасьці.
Прэвэнтыўныя затрыманьні пачаліся пасьля забароны ўсіх шэсьцяў у Менску, працягваюцца 25 сакавіка.
Зранку ў Мар’інай Горцы быў затрыманы Славамір Адамовіч, які плянаваў ехаць у Менск для ўдзелу ў святкаваньні юбілею БНР.
Жывая відэатрансьляцыя зь Менска, Горадні, Прагі і іншых гарадоў пачнецца аб 11:45.