#БНР100 у Беларусі і сьвеце. ЖЫВЫ БЛОГ

25 сакавік 2018, 10:00

25 сакавіка беларусы адзначаюць 100-ю гадавіну абвяшчэньня незалежнасьці Беларускай Народнай Рэспублікі. Канцэрты, мітынгі і вечарыны пройдуць у дзясятках гарадоў, па ўсёй Беларусі і па абодва бакі Атлянтычнага акіяну. Свабода вядзе жывую трансьляцыю беларускіх падзеяў.

25 сакавіка беларусы адзначаюць 100-ю гадавіну абвяшчэньня незалежнасьці Беларускай Народнай Рэспублікі. Канцэрты, мітынгі і вечарыны праходзяць у дзясятках гарадоў, па ўсёй Беларусі і па абодва бакі Атлянтычнага акіяну. Цэнтральны канцэрт пачаўся на Траецкай гары ля менскага Опэрнага тэатру а 13-й — бясплатны і санкцыянаваны. Паплечнікі Міколы Статкевіча падавалі заяўку на шэсьце па цэнтры сталіцы — яго забаранілі, пачаліся прэвэнтыўныя затрыманьні. Свабода вядзе жывую трансьляцыю беларускіх падзеяў.

Фотагалерэя:
«Хапун» на плошчы Якуба Коласа ў Менску, адкуль Статкевіч зьбіраўся з шэсьцем. Фотагалерэя

Прабачце, карцінкі з канцэрту ля Опэрнага амаль няма

Мы не адны такія, у шэрагу журналістаў не працуе або ледзь працуе мабільная сувязь, але падобна, «глушаць» ня ўсіх — выбарачна. Праблемы з сувязьзю былі і на Якуба Коласа.

Мітынг-канцэрт санкцыянаваны, праходзіць мірна, наведнікі прыходзяць сем’ямі, зь дзецьмі — на сьвяце ў тым ліку ёсьць дзіцячыя пляцоўкі.

Хоць перадаваць жывую трансьляцыю праблематычна, кадры захаваюцца і могуць быць прадэманстраваныя пазьней.

Найлепшае, што можам перадаць з-пад Опэрнага тэатру

Статкевіча садзяць на 10 сутак, калі ня больш

Мікола Статкевіч у ЦІП на вуліцы Акрэсьціна, піша Naviny.by са спасылкай на ягоную жонку Марыну Адамовіч. Ён будзе адбываць 10 сутак адміністратыўнага арышту за адну з акцый, якая прайшла яшчэ ўвосень 2017 года. Жонка Статкевіча не выключае, што пад арыштам ён можа быць і больш працяглы тэрмін, бо супраць яго складзены яшчэ адзін адміністрацыйны пратакол, рашэньня суду па якім пакуль няма.

Сыноптыкі не адгадалі

У Менску на дзень 25 сакавіка абяцалі воблачнае надвор’е. На момант публікацыі сьвеціць сонца.

Абноўлена: канцэрт у Слуцку ідзе, апаратуру не затрымалі

Алесь Лагвінец паведаміў, што ў Слуцку затрыманы актывіст Аляксандр Залатар. Ён затрыманы перад санкцыянаваным канцэртам, міліцыя спыніла кіроўцу дзеля праверкі дакумэнтаў нібыта на прадмет «угону аўтамабіля». Пасьля гэтага яго даставілі ў аддзяленьне міліцыі, сувязь зь ім страчана.

Канцэрт у Слуцку адбываецца паводле ўзгодненага фармату, хоць вывесіць банэр так і не дазволілі.

Тым часам на Майдане

У Кіеве працягваецца сьвяточны мітынг да #БНР100

Навіны з рэгіёнаў

У Менску пачынаецца дазволены мітынг-канцэрт. А ў Савецкім РУУС затрыманыя з забароненага мітынгу на плошчы Якуба Коласа

Віншаваньне з #БНР100 ад паэткі з Гішпаніі

Выбачаемся за кепскую якасьць карцінкі ў трансьляцыі. Праблемы з сувязьзю ня толькі ў нас:

Затрыманы сын аналітыка Свабоды

Зьбіраліся затрымаць і Віталя Цыганкова, нягледзячы на акрэдытацыю, але пасьля таго, як журналісты зьвярнулі на гэта ўвагу, яго ня сталі забіраць.

«Белсатаўца» Козела выпусьцілі

Сьвяточныя сэлфі ў аўтазаку

Мітынгі-канцэрт санкцыянаваныя ў Берасьці, Горадні, яшчэ дзясятку гарадоў Беларусі

Паводле «Вясны», у Менску затрыманыя:

Каля ЦУМа: Валянцін Троцкі, Рыгор Пагарцаў, Фурс. На плошчы Якуба Коласа: назіральнікі Максім Кавалёў, Тацяна Мастыкіна, Андрусь Крэчка, Ганна Саханкова, Наста Лойка (магчыма, таксама Зьміцер Салаўёў); журналісты Кацярына Андрэева і Сяргей Кавалёў, актывісты Сяргей Спарыш, Алена Талстая, Андрэй Пракаповіч, Вольга Мікалайчык. Агулам — ад 30 да 50 чалавек.

Загрузіць яшчэ