Філарэт — Януковічу: «Той, хто возьме меч, ад мяча і загіне»
Украінская праваслаўная царква Кіеўскага патрыярхату заклікае Віктара Януковіча адмовіцца ад прымяненьня гвалту.
Пра гэта гаворыцца ў заяве прадстаяцеля УПЦ (КП) патрыярха Філарэта.
«Вам дадзена больш улады і паўнамоцтваў у краіне, таму і ступень Вашай адказнасьці — самая высокая. Як веруючы чалавек, успомніце словы Госпада Ісуса Хрыста: Дабрашчасныя міратворцы, бо яны сынамі Божымі назавуцца (Эвангельле ад Матфея 05:09). Збаўца таксама кажа: усе, хто возьме меч, ад мяча і загіне (Эвангельле ад Матфея 26:52). Заклікаю вас выбраць блажэнны міратворчы шлях, а не шлях да сілы», — сказана ў заяве.
Філарэт таксама заклікае ўсіх удзельнікаў супрацьстаяньня памятаць пра кару Божую.
«Памятаеце — за кожнага забітага, кожнага скалечанага, кожнага беспадстаўна перасьледавала ў вінаватым будзе асабіста дадзены адказ перад Богам. Бог ведае кожнага, хто непасрэдна ажыцьцяўляў зло, Бог ведае кожнага, хто заклікаў да зьдзяйсьненьня зла, хто аддаваў злачынныя загады. За зло Бог карае гэтага пакараньня не пазьбегне ніхто»,— гаворыцца ў звароце.
Філарэт заклікае прэзыдэнта, кіраўнікоў апазыцыі і грамадзкіх актывістаў адкласьці абвінавачваньні, неадкладна аднавіць перамовы і дасягнуць станоўчага выніку.
Як паведамлялася, раней патрыярх Кіеўскі і ўсёй Русі-Украіны Філарэт адмовіўся ад ордэна «За заслугі» I ступені, якім яго хацеў ўзнагародзіць Віктар Януковіч.
Як паведамлялася, раней патрыярх Кіеўскі і ўсёй Русі-Украіны Філарэт адмовіўся ад ордэна «За заслугі» I ступені, якім яго хацеў ўзнагародзіць Віктар Януковіч.
Паведамляецца, што ў Львове захопленае галоўнае ўпраўленьне МУС
У Івана-Франкоўску паўтары тысячы мітынгоўцаў штурмуюць СБУ (былы КДБ)
Пра гэта паведамляюць мясцовыя СМІ.
Філарэт — Януковічу: «Той, хто возьме меч, ад мяча і загіне» http://t.co/GghOFSZaX8 #євромайдан
— Радыё Свабода (@svaboda) 18.2.2014
На Майдане патрэбныя шыны і мазі ад апёкаў
Вайна ў цэнтры Кіева
Спэцназ пачаў штурм Майдану. Міліцыя ўжо захапіла барыкады на Грушэўскага, Эўрапейскую плошчу. Міліцыя ўжывае вадамёты, газ, гранаты, траўматыку.
«У людзей шмат апёкаў, вельмі патрэбныя мазі ад апёкаў і шыны для перадавой», — заявіў вядоўца мітынгу.
На Майдане загінуў яшчэ адзін "беркутавец", - паведамляе @lb_ua #євромайдан
— Радыё Свабода (@svaboda) 18.2.2014
Камэндант Майдану Андрэй Парубій сапраўды ў лякарні, але інсульту ў яго няма — паведамляе Украінская праўда
Абама заклікаў Януковіча адумацца
ЗША заклікаюць прэзыдэнта Ўкраіны Віктара Януковіча неадкладна аднавіць перамовы з апазыцыяй.
Пра гэта паведамляе РІА «Новости» са спасылкай на заяву журналістам падчас брыфінгу ў Вашынгтоне прэс-сакратара прэзыдэнта ЗША Джэй Кэрні:
«Мы заклікаем прэзыдэнта Януковіча неадкладна прыступіць да дээскаляцыі сытуацыі і пакончыць з ускладненьнямі на Майдане. Мы таксама заклікаем яго аднавіць дыялёг зь лідэрамі апазыцыі сёньня, каб распрацаваць кансэнсусны шлях для Украіны.
Мы шакаваныя паведамленьнямі пра гвалт, што адбываецца, і пра тое, што ўзброены спэцназ зьбіраецца на краях Майдана. Мы па-ранейшаму асуджаем гвалт на вуліцах і залішняе ўжываньне сілы з любога боку. Сілай нельга вырашыць крызіс», — дадаў прадстаўнік Белага дома.
Ён адмовіўся пракамэнтаваць разьвіцьцё падзей у Кіеве на момант правядзеньня брыфінгу. Раней віцэ-прэзідэнт ЗША Джо Байдэн тэлефанаваў Януковічу і патрабаваў правесьці перамовы з апазыцыяй і не разганяць пратэстоўцаў. ЗША таксама прыгразілі ўкраінскім чыноўнікам санкцыямі.
У Івана-Франкоўску прастэстоўцы захапілі галоўнае ўпраўленьне МУС і штурмуюць будынак СБУ
Полымя бароніць паўстанцаў ад спэцназу
Пратэстоўцы актыўна перадаюць з цэнтру на пэрыфэрыю драўляныя паддоны, дэталі домікаў, збудаваных да Калядаў на Майдане, да вогнішчаў, якія гараць пэрымэтру плошчы і абараняюць ад атакі “Беркуту”.
Януковіч правёў перамовы з Байдэнам
Некалькі хвілін таму завяршыліся тэлефонныя перамовы Віктара Януковіча і віцэ-прэзыдэнта ЗША Джозэфа Байдэна. Пра гэта паведамілі сайты LB.ua і ESPRESO.TV.
Чым завяршыліся перамовы, пакуль невядома.
Раней паслы ЭЗ і ЗША не маглі датэлефанавацца да Януковіча.
«Прэзыдэнт Януковіч знаходзіцца ў сваім кабінэце», — паведаміла намесьніца кіраўніка адміністрацыі Ганна Герман
Ахмэтаў заклікаў спыніць кровапраліцьце
Самы багаты грамадзянін Украіны, алігарх, блізкі да Януковіча, выказаўся за мір.
Бізнэсмэн Рынат Ахмэтаў заклікаў бакі супрацьстаяньня ў Кіеве спыніць кровапраліцьце. Пра гэта гаворыцца ў заяве ягонага прадстаўніка, распаўсюджанай агенцтвам «Інтэрфакс-Украіна».
На думку Ахмэтава, «няма такіх абставінаў, якія апраўдваюць прымяненьне сілы ў адносінах да мірнага насельніцтва»:
«Чалавечыя ахвяры і пацярпелыя з боку пратэстоўцаў і праваахоўнікаў падчас вулічных сутыкненьняў — недапушчальная цана за палітычныя памылкі».
У заяве таксама адзначаецца, што Ахмэтаў заклікае «спыніць праліцьцё крыві на вуліцах Кіева, усім варагуючым сілам тэрмінова вярнуцца ў перамоўны працэс і ні на хвіліну не спыняць працу да таго часу, пакуль ня будзе знойдзенае рашэньне па выхаду Ўкраіны з глыбокага палітычнага крызісу».
Да кампрамісу заклікаў таксама іншы алігарх Віктар Пінчук.
У эфіры ЭспрэсаТВ паведамілі, што самаабарона Майдана падбіла два БТР
Януковіч атрымаў загад на разгон Майдану ад Пуціна — Аслунд
Такое меркаваньне выказаў Андэрс Аслунд, старшы навуковы супрацоўнік Інстытуту міжнароднай эканомікі імя Пэтэрсана. Ён лічыць, што ў Кіеве адбываецца адзін са сцэнароў апісаны былым дарадцам Уладзімера Пуціна Андрэем Іларыёнавым.
«Расея ня стала чакаць сканчэньня Алімпіяды і дала загад на разгон наўпрост у Сочы», — мяркуе Аслунд.