Цягам двух дзён у Львове выступяць трыццаць музычных гуртоў зь Беларусі, Ўкраіны, Польшчы і Францыі.
Карэспандэнт: "Фэст распачаўся выступам камандаў, якія перамаглі ў конкурсе маладых гуртоў – гэтае спаборніцтва ладзіла Эўрапейскае радыё для Беларусі. Усяго цягам двух дзён на двух канцэртных пляцоўках у Львове выступіць трыццаць музычных гуртоў зь Беларусі, Украіны, Польшчы і Францыі. Сёньня выступяць BN, Partyzone, Pomidor/OFF, Znich (BY), Zygimont Vaza, Zet, заўтра – Джамбібум, Яр, Стары Ольса, WZ-Orkiestra…
Фотагалерэя: “Be Free” - публіка
Фотагалерэя: “Be Free” – музыкі
Нельга вызначыць, які жанр пераважае на фэстывалі, таму што сёньня – гэта розныя накірункі року, заўтра будуць выступаць гурты, якія граюць фолк і сярэднявечную музыку. Заўтра выступы пачнуцца апоўдні на галоўнай плошчы Львову, якая называецца Рынак, а скончыцца фэстываль вялікім рок-канцэртам у парку Багдана Хмяльніцкага.
Як патлумачыў адзін з арганізатараў, кіраўнік БМА Віталь Супрановіч, у фэсту дзьве мэты: прадставіць украінскай публіцы беларускія гурты, паказаць, наколькі сучасная беларуская музыка арыгінальная. Другая мэта – дапамагчы беларускім музыкам у самарэалізацыі, бо ня ўсе гурты ў Беларусі маюць магчымасьць выступаць, ня ўсе маюць канцэртныя пляцоўкі. У тым ліку ёсьць складанасьці ў зьвязку з новым гастрольным заканадаўствам, калі “мастацкія рады” мусяць зацьвярджаць сюжэты і рэпэртуар.
На дадзены момант на канцэртнай пляцоўцы ў парку Багдана Хмяльніцкага знаходзяцца крыху болей за 1000 чалавек. Усяго зь Беларусі прыехала некалькі аўтобусаў, шмат хто дабіраўся сваім ходам, а менавіта – электрычкамі і пасажырскімі цягнікамі. Цікава, што ўчора, напярэдадні фэсту, прадстаўнік Дзяржкамітэту памежных войскаў Беларусі заявіў, што ў зьвязку з правядзеньнем у Львове музычнага фэсту на беларуска-ўкраінскай мяжы будзе ўзмоцнены кантроль. Афіцыйная асоба, якая давала інтэрвію, патлумачыла, што гэта робіцца для таго, каб прыпыніць увоз на тэрыторыю Ўкраіны з тэрыторыі Беларусі наркотыкаў, розных нелегальных рэчываў і любых прыстасаваньняў, якія могуць справакаваць бойкі – у якасьці прыкладу прыводзілася бэйсбольная біта...
Я сам учора перасякаў мяжу, і ніякіх эксцэсаў у цягніку не было. Музыкі таксама кажуць, што праехалі мяжу без непрыемных прыгодаў. Варта ўзгадаць, што летась аўтобусы, якія ехалі на фэст у Луцк, былі затрыманыя памежнікамі на некалькі гадзінаў".
Гурт “Vladivostok” (Францыя) сьпявае песьню “Zhyvie Belarus!”
Фанаткі гурту “Інкунабула” (Україна)
Фотагалерэя: “Be Free” - публіка
Фотагалерэя: “Be Free” – музыкі
Нельга вызначыць, які жанр пераважае на фэстывалі, таму што сёньня – гэта розныя накірункі року, заўтра будуць выступаць гурты, якія граюць фолк і сярэднявечную музыку. Заўтра выступы пачнуцца апоўдні на галоўнай плошчы Львову, якая называецца Рынак, а скончыцца фэстываль вялікім рок-канцэртам у парку Багдана Хмяльніцкага.
Як патлумачыў адзін з арганізатараў, кіраўнік БМА Віталь Супрановіч, у фэсту дзьве мэты: прадставіць украінскай публіцы беларускія гурты, паказаць, наколькі сучасная беларуская музыка арыгінальная. Другая мэта – дапамагчы беларускім музыкам у самарэалізацыі, бо ня ўсе гурты ў Беларусі маюць магчымасьць выступаць, ня ўсе маюць канцэртныя пляцоўкі. У тым ліку ёсьць складанасьці ў зьвязку з новым гастрольным заканадаўствам, калі “мастацкія рады” мусяць зацьвярджаць сюжэты і рэпэртуар.
На дадзены момант на канцэртнай пляцоўцы ў парку Багдана Хмяльніцкага знаходзяцца крыху болей за 1000 чалавек. Усяго зь Беларусі прыехала некалькі аўтобусаў, шмат хто дабіраўся сваім ходам, а менавіта – электрычкамі і пасажырскімі цягнікамі. Цікава, што ўчора, напярэдадні фэсту, прадстаўнік Дзяржкамітэту памежных войскаў Беларусі заявіў, што ў зьвязку з правядзеньнем у Львове музычнага фэсту на беларуска-ўкраінскай мяжы будзе ўзмоцнены кантроль. Афіцыйная асоба, якая давала інтэрвію, патлумачыла, што гэта робіцца для таго, каб прыпыніць увоз на тэрыторыю Ўкраіны з тэрыторыі Беларусі наркотыкаў, розных нелегальных рэчываў і любых прыстасаваньняў, якія могуць справакаваць бойкі – у якасьці прыкладу прыводзілася бэйсбольная біта...
Я сам учора перасякаў мяжу, і ніякіх эксцэсаў у цягніку не было. Музыкі таксама кажуць, што праехалі мяжу без непрыемных прыгодаў. Варта ўзгадаць, што летась аўтобусы, якія ехалі на фэст у Луцк, былі затрыманыя памежнікамі на некалькі гадзінаў".
Гурт “Vladivostok” (Францыя) сьпявае песьню “Zhyvie Belarus!”
Фанаткі гурту “Інкунабула” (Україна)