А.Мілінкевіч агітуе за дэмакратычных кандыдатаў Віцебшчыны. У панядзелак ён наведаў сход у віцебскім каледжы лёгкай прамысловасьці №19, каб падтрымаць кандыдата Ігара Каныгіна.
На сход сабралася каля 80-ці чалавек – жыхароў Віцебскай-Чыгуначнай выбарчай акругі. Ігар Каныгін распавёў пра тое, у якіх галінах жыцьця Беларусі ён лічыць неабходным змагацца за перамены, потым адказаў на пытаньні прысутных.
Экс-кандыдат на прэзыдэнта Аляксандар Мілінкевіч таксама зьвярнуўся да прысутных у залі з кароткай прамовай, патлумачыўшы, што ён зьяўляецца даверанай асобай шэрагі дэмакратычных кандыдатаў, у тым ліку й на Віцебшчыне. Да яго таксама зьвярталіся з пытаньнямі пра магчымасьці пазытыўных зьменаў праз новаабраны парлямэнт. А потым усе ахвотныя мелі мажлівасьць паразмаўляць з А.Мілінкевічам і мясцовым кандыдатам у дэпутаты Ігарам Каныгіным.
Спадар Каныгін, дарэчы, ужо ня першы раз бярэ ўдзел у выбарчай кампаніі. Аднак срэбны прызёр Алімпійскіх гульняў 1980 году, двойчы чэмпіён сьвету па грэка-рымскай барацьбе і таму вельмі вядомы ў Віцебску чалавек ня быў дапушчаны да ўдзелу ў мясцовых выбарах 2006 году: выбарчая камісія не прапусьціла яго праз этап рэгістрацыі. Сёлета ён спрабуе абрацца ў парлямэнт.
Што да Аляксандра Мілінкевіча, то ягоная агітацыйная паездка дзеля падтрымкі дэмакратычных кандыдатаў Віцебшчыны будзе працягвацца яшчэ два дні.
Экс-кандыдат на прэзыдэнта Аляксандар Мілінкевіч таксама зьвярнуўся да прысутных у залі з кароткай прамовай, патлумачыўшы, што ён зьяўляецца даверанай асобай шэрагі дэмакратычных кандыдатаў, у тым ліку й на Віцебшчыне. Да яго таксама зьвярталіся з пытаньнямі пра магчымасьці пазытыўных зьменаў праз новаабраны парлямэнт. А потым усе ахвотныя мелі мажлівасьць паразмаўляць з А.Мілінкевічам і мясцовым кандыдатам у дэпутаты Ігарам Каныгіным.
Спадар Каныгін, дарэчы, ужо ня першы раз бярэ ўдзел у выбарчай кампаніі. Аднак срэбны прызёр Алімпійскіх гульняў 1980 году, двойчы чэмпіён сьвету па грэка-рымскай барацьбе і таму вельмі вядомы ў Віцебску чалавек ня быў дапушчаны да ўдзелу ў мясцовых выбарах 2006 году: выбарчая камісія не прапусьціла яго праз этап рэгістрацыі. Сёлета ён спрабуе абрацца ў парлямэнт.
Што да Аляксандра Мілінкевіча, то ягоная агітацыйная паездка дзеля падтрымкі дэмакратычных кандыдатаў Віцебшчыны будзе працягвацца яшчэ два дні.