Сёньня суд Маскоўскага раёну разгледзіць адміністрацыйную справу супраць аднаго зь лідэраў прадпрымальнікаў Анатоля Шумчанкі. Яго вінавацяць у дробным крадзяжы.
8 верасьня Шумчанка наведаў суд для папярэдняга разбору. “Мне патлумачылі, што нібыта 17 лістапада ў краме “Брэст” я вынес у рукаве курткі бутэльку воцту коштам 1620 рублёў. Гэта ж поўная лухта!” – заявіў ён.
Шумчанка кажа, што ягоная справа поўнасьцю сфабрыкаваная.
15 сьнежня грамадзкае аб’яднаньне “Пэрспэктыва”, якое ачольвае грамадзкі актывіст, зладзіла ў Менску Марш прадпрымальнікаў.