Міністар замежных спраў Літвы Вігаўдас Ушацкас спадзяецца, што на паседжаньні міністраў замежных спраў краінаў Эўразьвязу ў Брусэлі “будзе прынята важнае рашэньне: пачаць дыялёг зь Беларусьсю па лібэралізацыі візавага рэжыму для ўсіх грамадзян Беларусі”.
“Я таксама спадзяюся, што ў Брусэлі падтрымаюць літоўскую прапанову зьнізіць цану на ўязныя шэнгенскія візы для грамадзян Беларусі з 60 да 35 эўра”, — заявіў кіраўнік літоўскага МЗС.
“Мне хацелася б, каб палітыка санкцыяў у дачыненьні да Беларусі завяршылася як мага хутчэй. На жаль, недастатковы прагрэс у Беларусі ў пытаньнях павагі да правоў чалавека і дэмакратызацыі краіны ўспрымаецца ў краінах Эўразьвязу з заклапочанасьцю, і гэта будзе мець уплыў на рашэньні па санкцыях”, — зазначыў Ушацкас.
Ён дадаў: “Я буду выказвацца за тое, каб дыялёг і супрацоўніцтва зь Беларусьсю працягваліся. Гэта вельмі важна для далейшага збліжэньня Беларусі з ЭЗ”.
“Я хачу яшчэ раз паўтарыць тое, што мы сумесна з калегам, міністрам замежных спраў Італіі Франка Фратыні, напісалі ў артыкуле пра Беларусь месяц таму: “Мы чакаем, што Беларусь пачне адчуваць перавагі кантактаў з Эўропай” (...) Але мы настойваем на тым, што перасьлед людзей за іхныя грамадзянскія і палітычныя перакананьні або публічную дзейнасьць, абмежаваньне свабоды СМІ і недзяржаўных арганізацый павінны застацца ў мінулым”, — адзначыў кіраўнік зьнешнепалітычнага ведамства Літвы ў інтэрвію Інтэрфаксу.
“Будучыя выбары павінны адпавядаць прызнаным міжнародных стандартам, вызначаным АБСЭ”, – падкрэсьліў Ушацкас.
Ён таксама адзначыў: “Беларусь павінна паважаць тэрытарыяльную цэласнасьць кожнай з краінаў, у тым ліку Грузіі. (…) Павага да тэрытарыяльнай цэласнасьці іншых дзяржаў — адзін з галоўных прынцыпаў міжнароднай супольнасьці XXI стагодзьдзя”.
Адказваючы на пытаньне пра тое, як можа паўплываць на далейшы дыялёг Беларусі і ЭЗ прызнаньне Менскам незалежнасьці Паўднёвай Асэтыі і Абхазіі, Вігаўдас Ушацкас сказаў: “Непрыняцьце ніякага новага рашэньня па гэтым пытаньні — самае пазытыўнае рашэньне”.
“Мне хацелася б, каб палітыка санкцыяў у дачыненьні да Беларусі завяршылася як мага хутчэй. На жаль, недастатковы прагрэс у Беларусі ў пытаньнях павагі да правоў чалавека і дэмакратызацыі краіны ўспрымаецца ў краінах Эўразьвязу з заклапочанасьцю, і гэта будзе мець уплыў на рашэньні па санкцыях”, — зазначыў Ушацкас.
Ён дадаў: “Я буду выказвацца за тое, каб дыялёг і супрацоўніцтва зь Беларусьсю працягваліся. Гэта вельмі важна для далейшага збліжэньня Беларусі з ЭЗ”.
“Я хачу яшчэ раз паўтарыць тое, што мы сумесна з калегам, міністрам замежных спраў Італіі Франка Фратыні, напісалі ў артыкуле пра Беларусь месяц таму: “Мы чакаем, што Беларусь пачне адчуваць перавагі кантактаў з Эўропай” (...) Але мы настойваем на тым, што перасьлед людзей за іхныя грамадзянскія і палітычныя перакананьні або публічную дзейнасьць, абмежаваньне свабоды СМІ і недзяржаўных арганізацый павінны застацца ў мінулым”, — адзначыў кіраўнік зьнешнепалітычнага ведамства Літвы ў інтэрвію Інтэрфаксу.
“Будучыя выбары павінны адпавядаць прызнаным міжнародных стандартам, вызначаным АБСЭ”, – падкрэсьліў Ушацкас.
Ён таксама адзначыў: “Беларусь павінна паважаць тэрытарыяльную цэласнасьць кожнай з краінаў, у тым ліку Грузіі. (…) Павага да тэрытарыяльнай цэласнасьці іншых дзяржаў — адзін з галоўных прынцыпаў міжнароднай супольнасьці XXI стагодзьдзя”.
Адказваючы на пытаньне пра тое, як можа паўплываць на далейшы дыялёг Беларусі і ЭЗ прызнаньне Менскам незалежнасьці Паўднёвай Асэтыі і Абхазіі, Вігаўдас Ушацкас сказаў: “Непрыняцьце ніякага новага рашэньня па гэтым пытаньні — самае пазытыўнае рашэньне”.