Экспэрт Інстытуту грамадзкай палітыкі, палітоляг Марc Сарыеў камэнтуе заяву Аляксандра Лукашэнкі пра знаходжаньне Курманбэка Бакіева ў Менску.
Сарыеў: “Думаю, што для Часовага ўраду гэта – ня самы горшы варыянт, таму што разглядаліся Дубаі, называлася Латвія. Мяркую, што з Беларусьсю ня ўзьнікне праблемаў. Іншая справа, што на поўдні краіны прыхільнікі Бакіева не суцешыліся, і арганізоўваюць свае акцыі пратэсту.”