Актывісты кампаніі "Гавары праўду" Ўладзімер Някляеў, Сяргей Вазьняк і Андрэй Дзьмітрыеў вызваленыя пасьля трох дзён турэмнага зьняволеньня. Каля ўправы міліцыі Ленінскага раёну Менску іх сустракалі сваякі, паплечнікі, сябры і журналісты. Гаворыць палітычны аглядальнік і публіцыст Аляксандар Фядута:
"Улада ўпершыню ўчыніла дзеяньні, якія ніяк не абапіраюцца на закон. Яна выкарыстала закон, але законных падстаў для выкарыстаньня тых ці іншых артыкулаў яна ня мела. І гэта азначае, што ўлада разгубленая і ня ведае, што далей рабіць".