Кіраўнік Беларусі Аляксандар Лукашэнка з працоўным візытам накіраваўся ў Маскву. Зь ягонай ініцыятывы днямі адбылася тэлефонная размова з расейскім прэзыдэнтам Дзьмітрыем Мядзьведзевым.
Гаворка вялася пра будучае абмеркаваньне ўмоваў функцыянаваньня Мытнага саюзу Беларусі, Казахстану і Расеі, пра пэрспэктывы стварэньня Адзінай эканамічнай прасторы трох краін. Плянуецца таксама, што Аляксандар Лукашэнка наведае Ўсерасейскі НДІ электрамэханікі, які займаецца распрацоўкамі ў касьмічнай сфэры, паведамляе «Інтэрфакс-Захад».