Украіна на самым буйным эўрапейскім кінафэстывалі ў межах кінакірмашу прадставіла ажно тры стужкі: «ТойХтоПрайшоўСкрозьВагонь» рэжысэра Мыхайла Іліенка, пабудаваную на гісторыі савецкага героя, які стаў вязьнем ГУЛАГу; «У кожнага свой Чэхаў» — 5 мікрафільмаў паводле п’есаў Антона Чэхава; і «Чэмпіёны з падваротні» Ахтэма Сейтаблаева, прэзэнтаваць які прыехаў выканаўца галоўнай ролі кіназорка Аляксей Гарбуноў і Кіраўніца дзяржаўнай агенцыі Украіны ў пытаньнях кіно Кацярына Капылава
Украінскі павільён на Канах 2012. Па тэлевізары фільм "Чэмпіёны з падваротні"
Фільм пабудаваны на рэальных падзеях. Пра тое, як Украіна перамагла ў чэмпіянаце сьвету па вулічным футболе сярод бамжоў. Гэта гісторыя футбаліста, які быў пасьпяховы, пасьля сьпіўся, прадаў кватэру, пакуль не спатрэбілася трэніраваць каманду дзяцей-бамжоў. Гэта і вярнула яго да жыцьця.
Аляксей Гарбуноў адказаў на пытаньні Радыё Свабода.
Радыё Свабода: Якім акторам Вы сябе лічыце болей — украінскім ці расейскім?
Аляксей Гарбуноў: Я сябе лічу, як гэта сказаць, грамадзянінам сьвету. Я так заўжды лічыў. Пакулькі я цяпер у францускім кіно здымаюся. Восеньню паеду да палякаў здымацца. Уласна гэта ня першая карцін атам. Але большая частка майго жыцьця ў Маскве. Без Расеі мы нікуды.
Украінскі актор Аляксей Гарбуноў выканаў некалькі песень падчас Канскага кінафэстывалю 2012. 23 траўня 2012
Радыё Свабода: Ці сочыце вы за палітычнай сытуацыяй ва Ўкраіне?
Аляксей Гарбуноў: Я сачу, але я не хачу на гэтую тэму размаўляць, скажу шчыра. Таму што калі я знаходжуся ў Маскве альбо ў Кіеве, акрамя палітыкі людзі ні пра што не размаўляюць. шчыра кажучы, я ўжо сыты вось так. Давайце лепш пра кіно. Так сумленьней.
Радыё Свабода: Ці можа кіно зьмяніць сытуацыю ў грамадзтве?
Аляксей Гарбуноў: Я ня думаю, што кіно можа зьмяніць людзей. Напэўна, трошачку можа зрабіць лепшымі. Але ж не задача кіно — мяняць людзей. Задача — размаўляць на мове сэрца зь людзьмі. Гэта адзіная мова, якая зразумелая ўсім нацыянальнасьцям. Гэтым добрыя музыка і кіно.
Your browser doesn’t support HTML5
Аляксей Гарбуноў: «Хочацца, каб беларусы радасьней жылі»
Радыё Свабода: Што можаце перадаць беларусам?
Аляксей Гарбуноў: Кожны год прыяжджаю ў Менск, зь 1997 году, пачынаючы зь першай «Каменскай». Менск — выдатны горад. Хочацца, каб беларусы там радасьней жылі, весялей. каб было ў вас тое, што хочуць усе людзі: мір, здароўе, праца, нармальная зарплата і адкрытыя межы.
Кацярына Капылава, дырэктар Агенцыі па справах кіно Ўкраіны. 23 траўня 2012
Кіраўніца дзяржаўнай агенцыі Украіны ў пытаньнях кіно Кацярына Капылава павітала на ўкраінскай мове, што адзначылі ўсе прысутныя журналісты. У інтэрвію «Радыё Свабода» яна падкрэсьліла выключную важнасьць удзелу Украіны ў Канскім фэстывалі.
«Для Ўкраіны гэта першы сур’ёзны крок у далучэньні да сусьветнай кінасупольнасьці, для Ўкраіны гэта пэрспэктыва. Яшчэ пройдзе досыць часу, перад тым, каб Украіна пакарыла Канскі фэстываль. Але Ўкраіна ўжо сёньня мае 12 гульнявых фільмаў у вытворчасьці, 8 зь якіх здымаюць у супрацы зь іншымі эўрапейскімі краінамі. Думаю, мы іх пабачым напрыканцы 12 — пачатку 12-га гадоў. Мы разьвіваем дэбютнае ўкраінскае кіно, украінскую дакумэнталістыку і ўкраінскія анімацыйныя фільмы. У наступным годзе спадзяемся паказаць тут некалькі фільмаў».
Your browser doesn’t support HTML5
К.Капылава пра Ўкраіну ў Канах
Напрыканцы прэзэнтацыі Аляксей Гарбуноў запрасіў усіх на тэрасу з выглядам на мора, дзе выканаў некалькі песень пад гітару, у тым ліку шансон Гарыка Сукачова, песьні з савецкіх кінафільмаў, украінскія баляды. Адну зь песень закончыў споклічам «Хай Жыве Бацькаўшчына!»
Your browser doesn’t support HTML5
А.Гарбуноў сьпявае ў Канах