Фотакарэспандэнт Associated Press Сяргей Грыц зафіксаваў атрыманыя траўмы і зьвярнуўся ў міліцыю зь пісьмовай заявай з нагоды нападу на яго супрацоўнікаў спэцслужбаў.
Фотакарэспандэнта Сяргея Грыца і іншых журналістаў, а таксама моладзевых актывістаў зьбілі і затрымалі ў цэнтры Менску падчас пікету за байкот выбараў у Палату прадстаўнікоў.
Сяргей Грыц таксама распавёў «Свабодзе» пра стан свайго здароўя.
«Патэлефанавалі зь міліцыі пазаўчора, прапанавалі прыехаць напісаць заяву. Я прыехаў, напісаў, зьняў пабоі, прыклаў гэтую выснову ад судмэдэкспэрта, фатаздымкі падчас затрыманьня — там цудоўна ўсё відаць. Ну, і зараз гэтая заява з усімі дакумэнтамі пойдзе па інстанцыях — няхай там разьбіраюцца. Адчуваю сябе здавальняльна, працую, але выгляд вельмі непрэзэнтабэльны. Сінякі ўсе гэтыя расквітнелі напоўніцу, самая „прыгажосьць“ зараз — зусім ня тое, што ў першы дзень было. Змазваю крэмамі, але тыдзень прыйдзецца пачакаць».
Юрыст праваабарончай журналісцкай арганізацыі БАЖ Андрэй Бастунец пракамэнтаваў выніковасьць зваротаў журналістаў у праваахоўныя органы.
Бастунец: «Было шмат зваротаў, і галоўным адрасатам быў міністар МУС Куляшоў, калі адбываўся ціск не на аднаго, а на вялікую колькасьць журналістаў. Асабліва моцны гэты ціск быў пасьля выбараў 2010 году, і зараз раз-пораз узьнікаюць такія сытуацыі. Якія былі дасягненьні? У абсалютнай большасьці выпадкаў журналістам вярталі адабраную апаратуру. Што тычыцца прыцягненьня да адказнасьці вінаватых, то з гэтым нашмат больш складана: імёны і прозьвішчы тых міліцыянтаў, якія парушалі правы журналістаў, — яны замоўчваліся. І мы не маглі даведацца, ці атрымлівалі гэтыя людзі нейкія спагнаньні. Але я заўсёды казаў, што неабходна выкарыстоўваць усе магчымыя сродкі для прыцягненьня да адказнасьці вінаватых. Больш за ўсё памыляецца той, хто нічога ня робіць».
Сяргей Грыц таксама распавёў «Свабодзе» пра стан свайго здароўя.
«Патэлефанавалі зь міліцыі пазаўчора, прапанавалі прыехаць напісаць заяву. Я прыехаў, напісаў, зьняў пабоі, прыклаў гэтую выснову ад судмэдэкспэрта, фатаздымкі падчас затрыманьня — там цудоўна ўсё відаць. Ну, і зараз гэтая заява з усімі дакумэнтамі пойдзе па інстанцыях — няхай там разьбіраюцца. Адчуваю сябе здавальняльна, працую, але выгляд вельмі непрэзэнтабэльны. Сінякі ўсе гэтыя расквітнелі напоўніцу, самая „прыгажосьць“ зараз — зусім ня тое, што ў першы дзень было. Змазваю крэмамі, але тыдзень прыйдзецца пачакаць».
Юрыст праваабарончай журналісцкай арганізацыі БАЖ Андрэй Бастунец пракамэнтаваў выніковасьць зваротаў журналістаў у праваахоўныя органы.
Бастунец: «Было шмат зваротаў, і галоўным адрасатам быў міністар МУС Куляшоў, калі адбываўся ціск не на аднаго, а на вялікую колькасьць журналістаў. Асабліва моцны гэты ціск быў пасьля выбараў 2010 году, і зараз раз-пораз узьнікаюць такія сытуацыі. Якія былі дасягненьні? У абсалютнай большасьці выпадкаў журналістам вярталі адабраную апаратуру. Што тычыцца прыцягненьня да адказнасьці вінаватых, то з гэтым нашмат больш складана: імёны і прозьвішчы тых міліцыянтаў, якія парушалі правы журналістаў, — яны замоўчваліся. І мы не маглі даведацца, ці атрымлівалі гэтыя людзі нейкія спагнаньні. Але я заўсёды казаў, што неабходна выкарыстоўваць усе магчымыя сродкі для прыцягненьня да адказнасьці вінаватых. Больш за ўсё памыляецца той, хто нічога ня робіць».