28 студзеня Іран паведаміў, што запусьціў у космас карабель з малпай на борце. У якасьці доказу былі прадстаўленыя фота малпы да і пасьля палёту.
Паведамленьне выклікала занепакоенасьць міжнароднай супольнасьці, паколькі рашэньні ААН забараняюць Тэгерану разьвіваць касьмічныя праграмы. Аднак потым узьніклі сумневы ў праўдзівасьці паведамленьняў пра палёт жывёліны.
Рэзалюцыя ААН № 1929 забараняе Ірану «любую дзейнасьць, зьвязаную з балістычнымі ракетамі, здольнымі дастаўляць ядзерную зброю, уключаючы пуск з выкарыстаньнем тэхналёгіі балістычных ракет». Аднак Тэгеран не ўпершыню ігнаруе рашэньні міжнароднай супольнасьці.
28 студзеня іранскія афіцыйныя асобы паведамілі, што касьмічны карабель з малпай на борце падняўся на 20 хвілінаў на вышыню120 кілямэтраў над Зямлёй і вярнуўся назад.
Але прадстаўленыя Тэгеранам доказы палёту выклікалі сумневы.
На фотаздымках, якія апублікаваў брытанскі The Times, бачна, што малпа, якая перад запускам прывязаная да крэсла на караблі, мае сьветлую поўсьць і радзімку над правым вокам, а малпа, якая нібыта вярнулася з касьмічнага падарожжа, мае цёмную поўсьць і ніякіх радзімак.
Гэтыя разыходжаньні спараджаюць меркаваньне, што касьмічны палёт, які быў прымеркаваны да 34-й гадавіны іранскай рэвалюцыі, быў няўдалым ці наагул не адбыўся.
У мінулую суботу афіцыйны прадстаўнік іранскага касьмічнага агенцтва Мухамад Эбрахімі прызнаў, што сапраўды былі прадстаўленыя здымкі розных жывёлін: на другім фатаздымку — малпа-дублёр, якая не была ў космасе.
На думку вайсковых экспэртаў, гучныя паведамленьні пра касьмічны трыюмф, які насамрэч быў няўдачай, магчыма, закліканы схаваць сакрэтныя, больш пасьпяховыя ваенныя праграмы Ірану.
Рэзалюцыя ААН № 1929 забараняе Ірану «любую дзейнасьць, зьвязаную з балістычнымі ракетамі, здольнымі дастаўляць ядзерную зброю, уключаючы пуск з выкарыстаньнем тэхналёгіі балістычных ракет». Аднак Тэгеран не ўпершыню ігнаруе рашэньні міжнароднай супольнасьці.
28 студзеня іранскія афіцыйныя асобы паведамілі, што касьмічны карабель з малпай на борце падняўся на 20 хвілінаў на вышыню120 кілямэтраў над Зямлёй і вярнуўся назад.
Але прадстаўленыя Тэгеранам доказы палёту выклікалі сумневы.
На фотаздымках, якія апублікаваў брытанскі The Times, бачна, што малпа, якая перад запускам прывязаная да крэсла на караблі, мае сьветлую поўсьць і радзімку над правым вокам, а малпа, якая нібыта вярнулася з касьмічнага падарожжа, мае цёмную поўсьць і ніякіх радзімак.
Гэтыя разыходжаньні спараджаюць меркаваньне, што касьмічны палёт, які быў прымеркаваны да 34-й гадавіны іранскай рэвалюцыі, быў няўдалым ці наагул не адбыўся.
У мінулую суботу афіцыйны прадстаўнік іранскага касьмічнага агенцтва Мухамад Эбрахімі прызнаў, што сапраўды былі прадстаўленыя здымкі розных жывёлін: на другім фатаздымку — малпа-дублёр, якая не была ў космасе.
На думку вайсковых экспэртаў, гучныя паведамленьні пра касьмічны трыюмф, які насамрэч быў няўдачай, магчыма, закліканы схаваць сакрэтныя, больш пасьпяховыя ваенныя праграмы Ірану.