Сьветлагорскі раённы суд пакінуў без разгляду пазоў жыхаркі мястэчка Парычы Надзеі Дударэнкі на рашэньне мясцовага райвыканкаму наконт вызваленьня яе ад абавязкаў прыёмнай маці пяцёх дзяцей.
Дзьвюх дзяўчатак і трох хлопчыкаў Надзея Дударэнка гадавала каго амаль восем гадоў, каго крыху меней. І яшчэ нядаўна Надзею Іванаўну ставілі ў прыклад, заахвочвалі рознымі прызамі і нават паказвалі пра яе фільмы на дзяржаўным тэлебачаньні. Глядзіце: узорная сям’я — пяцёх дзетак жанчына прытуліла пад сваім дахам, ды яшчэ двух хлопчыкаў усынавіла. Да таго ж выгадавала чатырох родных дзяцей!
Дударэнка: «Канфлікт усчаўся, калі хлопчык паскардзіўся, што яго настаўніца пабіла й прыгразіла адправіць назад у дзіцячы дом. Я ледзьве супакоіла дзіця, спрабавала разабрацца ў школе. Там і слухаць не схацелі: неахайна піша — і ўсё тут. З заявай дайшла да начальніцы раённага аддзелу адукацыі Людмілы Вялічкі. Яна прыехала, мяне выклікалі ў школу „на дыван“ і сталі, як школьніцы, даваць чосу».
Стаўленьне да «ўзорнай» прыёмнай маці пасьля гэтага выпадку зьмянілася. А калі ў мінулым верасьні «фізычнае выхаваньне» першаклясьнікаў паўтарылася, Дударэнка стала на абарону дзяцей: стаўце двойкі, але не распускайце рукі! Урэшце — перавядзіце хлопчыкаў у іншую клясу.
Чатыры дні трое хлопчыкаў-першаклясьнікаў не хадзілі ў школу. Надзея кажа, што да яе пасьля гэтага зачасьцілі праверкі, падобныя да налётаў. Прыяжджаў нават намесьнік старшыні райвыканкаму.
На адрас маці пасыпаліся розныя абвінавачаньні — і палічка для зубных шчотак у доме высока, і ручнікі не ўва ўсіх дзяцей асобныя, і пасьцельная бялізна шэрая, і ў лядоўні мала прадуктаў, і ў дзіцячы садок дзеці не хадзілі.
«Гэта дзяржаўныя дзеці!» — даводзілі прыёмнай маці чыноўнікі ў прысутнасьці дзяцей.
Першаклясьнік Альберт, якога з аднагодкам Андрэйкам Надзея Іванаўна ўсынавіла, па-дзіцячы шчыра апавядае: «Тамара Пятроўна нас пабіла, кулакамі па сьпіне й галаве — непрыгожа пісалі».
У Сьветлагорскім судзе прысутнічалі трое прадстаўнікоў райвыканкаму й яго аддзелу адукацыі — Тацяна Акуліч, Ірына Ермалаева, Алена Ціхамірава. Аднак даць якія-кольвечы камэнтары наконт канфлікту яны наадрэз адмовіліся.
Сама Надзея Дударэнка, падаючы скаргу ў суд, спадзявалася, што будзе судовае сьледзтва і падчас яго выкрыецца, як яна лічыць, уся абсурднасьць рашэньня райвыканкаму № 1809 п.7 і загаду начальніцы раённага аддзелу адукацыі на скасаваньне зь ёю доўгатэрміновай дамовы на выхаваньне прыёмных дзяцей.
Аднак разбору ў судзе не было. Праз сваіх прадстаўнікоў райвыканкам падаў хадайніцтва: пакінуць скаргу Дударэнкі без разгляду. На той падставе, што паводле пункту 4 артыкула 59 Закону «Аб мясцовым кіраваньні й самакіраваньні ў Рэспубліцы Беларусь» суд ня мае права адмяніць рашэньне райвыканкаму. Гэта можа зрабіць вышэйшы вэртыкальны орган альбо прэзыдэнт сваім указам. Апрача таго, у справе Дударэнкі ўтрымліваецца й працоўная спрэчка, якая патрабуе падачы адмысловага пазову.
Судзьдзя Ўладзімер Сьцяпанаў, які разглядаў справу, задаволіў хадайніцтва райвыканкаму — абвясьціў вызначэньне, што пакідае скаргу Надзеі Дударэнкі без разгляду.
Дударэнка: «Парушаны правы дзяцей на нармальнае жыцьцё, і гэтыя правы нават праз суд аднавіць немагчыма. Усё павязана, а дзеці — пакутуюць. Чыноўнікаў гэта не хвалюе. У некаторых дзяцей я — першая мама, і яны мне паверылі. Гэта прыхамаць! Каб пакараць мяне, забралі ў мяне й дзяцей».
Падтрымаць Надзею Дударэнку ў Сьветлагорскі суд прыехалі людзі з Парыч, Рагачова, Мазыра, Менску.
Сталага ўзросту мянчук Мікалай Хайноўскі, які моцна замаркоціўся лёсам прыёмных дзяцей, сам прыехаў у Сьветлагорск, каб выказаць Надзеі Іванаўне сваё шанаваньне.
Хайноўскі: «Надзеі трэба ордэн уручыць, прысвоіць званьне „Маці-гераіня“ — разам са сваімі адзінаццаць дзяцей выгадавала! Гэта сорам так паступіць з жанчынай. Я пісаў нават ліст у райвыканкам. Тыя, хто так робіць, не паважаюць ні сябе, ні сваю працу, ні ўсіх нас. Інтэрнатаўскіх дзяцей выцягваюць з балота, з наркаманіі, куды яны, пакінуўшы казённыя сьцены, звычайна трапляюць. А чыноўнікі — назад іх у прытулкі. Гэта кашмар!»
Тым часам Гомельская ўправа Сьледчага камітэту распачала крымінальную справу ў дачыненьні да бухгальтэра цэнтралізаванай бухгальтэрыі аддзелу адукацыі Сьветлагорскага райвыканкаму — за крадзеж, учынены арганізаванай групай. Высьветлілася, што праз злоўжываньне службовым становішчам зь верасьня 2010 да сьнежня 2011 году скрадзена 77,3 мільёна бюджэтных грошай, якія прызначаныя былі на фінансаваньне дзіцячых садкоў і школ раёну.
Дзьвюх дзяўчатак і трох хлопчыкаў Надзея Дударэнка гадавала каго амаль восем гадоў, каго крыху меней. І яшчэ нядаўна Надзею Іванаўну ставілі ў прыклад, заахвочвалі рознымі прызамі і нават паказвалі пра яе фільмы на дзяржаўным тэлебачаньні. Глядзіце: узорная сям’я — пяцёх дзетак жанчына прытуліла пад сваім дахам, ды яшчэ двух хлопчыкаў усынавіла. Да таго ж выгадавала чатырох родных дзяцей!
Дударэнка: «Канфлікт усчаўся, калі хлопчык паскардзіўся, што яго настаўніца пабіла й прыгразіла адправіць назад у дзіцячы дом. Я ледзьве супакоіла дзіця, спрабавала разабрацца ў школе. Там і слухаць не схацелі: неахайна піша — і ўсё тут. З заявай дайшла да начальніцы раённага аддзелу адукацыі Людмілы Вялічкі. Яна прыехала, мяне выклікалі ў школу „на дыван“ і сталі, як школьніцы, даваць чосу».
Надзея Дударэнка
Стаўленьне да «ўзорнай» прыёмнай маці пасьля гэтага выпадку зьмянілася. А калі ў мінулым верасьні «фізычнае выхаваньне» першаклясьнікаў паўтарылася, Дударэнка стала на абарону дзяцей: стаўце двойкі, але не распускайце рукі! Урэшце — перавядзіце хлопчыкаў у іншую клясу.
Андрэй і Альберт
Чатыры дні трое хлопчыкаў-першаклясьнікаў не хадзілі ў школу. Надзея кажа, што да яе пасьля гэтага зачасьцілі праверкі, падобныя да налётаў. Прыяжджаў нават намесьнік старшыні райвыканкаму.
На адрас маці пасыпаліся розныя абвінавачаньні — і палічка для зубных шчотак у доме высока, і ручнікі не ўва ўсіх дзяцей асобныя, і пасьцельная бялізна шэрая, і ў лядоўні мала прадуктаў, і ў дзіцячы садок дзеці не хадзілі.
Надзея з прыёмнымі сынамі
«Гэта дзяржаўныя дзеці!» — даводзілі прыёмнай маці чыноўнікі ў прысутнасьці дзяцей.
Першаклясьнік Альберт, якога з аднагодкам Андрэйкам Надзея Іванаўна ўсынавіла, па-дзіцячы шчыра апавядае: «Тамара Пятроўна нас пабіла, кулакамі па сьпіне й галаве — непрыгожа пісалі».
У Сьветлагорскім судзе прысутнічалі трое прадстаўнікоў райвыканкаму й яго аддзелу адукацыі — Тацяна Акуліч, Ірына Ермалаева, Алена Ціхамірава. Аднак даць якія-кольвечы камэнтары наконт канфлікту яны наадрэз адмовіліся.
Сьветлагорскі раённы суд
Сама Надзея Дударэнка, падаючы скаргу ў суд, спадзявалася, што будзе судовае сьледзтва і падчас яго выкрыецца, як яна лічыць, уся абсурднасьць рашэньня райвыканкаму № 1809 п.7 і загаду начальніцы раённага аддзелу адукацыі на скасаваньне зь ёю доўгатэрміновай дамовы на выхаваньне прыёмных дзяцей.
У залі суду
Аднак разбору ў судзе не было. Праз сваіх прадстаўнікоў райвыканкам падаў хадайніцтва: пакінуць скаргу Дударэнкі без разгляду. На той падставе, што паводле пункту 4 артыкула 59 Закону «Аб мясцовым кіраваньні й самакіраваньні ў Рэспубліцы Беларусь» суд ня мае права адмяніць рашэньне райвыканкаму. Гэта можа зрабіць вышэйшы вэртыкальны орган альбо прэзыдэнт сваім указам. Апрача таго, у справе Дударэнкі ўтрымліваецца й працоўная спрэчка, якая патрабуе падачы адмысловага пазову.
Судзьдзя Ўладзімер Сьцяпанаў, які разглядаў справу, задаволіў хадайніцтва райвыканкаму — абвясьціў вызначэньне, што пакідае скаргу Надзеі Дударэнкі без разгляду.
Дударэнка: «Парушаны правы дзяцей на нармальнае жыцьцё, і гэтыя правы нават праз суд аднавіць немагчыма. Усё павязана, а дзеці — пакутуюць. Чыноўнікаў гэта не хвалюе. У некаторых дзяцей я — першая мама, і яны мне паверылі. Гэта прыхамаць! Каб пакараць мяне, забралі ў мяне й дзяцей».
Падтрымаць Надзею Дударэнку ў Сьветлагорскі суд прыехалі людзі з Парыч, Рагачова, Мазыра, Менску.
Сталага ўзросту мянчук Мікалай Хайноўскі, які моцна замаркоціўся лёсам прыёмных дзяцей, сам прыехаў у Сьветлагорск, каб выказаць Надзеі Іванаўне сваё шанаваньне.
Мікалай Хайноўскі
Хайноўскі: «Надзеі трэба ордэн уручыць, прысвоіць званьне „Маці-гераіня“ — разам са сваімі адзінаццаць дзяцей выгадавала! Гэта сорам так паступіць з жанчынай. Я пісаў нават ліст у райвыканкам. Тыя, хто так робіць, не паважаюць ні сябе, ні сваю працу, ні ўсіх нас. Інтэрнатаўскіх дзяцей выцягваюць з балота, з наркаманіі, куды яны, пакінуўшы казённыя сьцены, звычайна трапляюць. А чыноўнікі — назад іх у прытулкі. Гэта кашмар!»
Тым часам Гомельская ўправа Сьледчага камітэту распачала крымінальную справу ў дачыненьні да бухгальтэра цэнтралізаванай бухгальтэрыі аддзелу адукацыі Сьветлагорскага райвыканкаму — за крадзеж, учынены арганізаванай групай. Высьветлілася, што праз злоўжываньне службовым становішчам зь верасьня 2010 да сьнежня 2011 году скрадзена 77,3 мільёна бюджэтных грошай, якія прызначаныя былі на фінансаваньне дзіцячых садкоў і школ раёну.