Грамадзянская паніхіда па Барысу Нямцову адбудзецца у аўторак, 3 сакавіка, у Сахараўскім цэнтры ў Маскве. Жалобная цырымонія пачнецца ў 10 гадзін раніцы.
У той жа дзень на Траякураўскіх могілках пройдзе пахаваньне палітыка. Да месца забойства Нямцова на Вялікім Маскварэцкім мосьце каля Крамля людзі нясуць кветкі.
У суботу днём на месца забойства прыйшла і кіраўнік Маскоўскай Хельсінскай групы Людміла Аляксеева. Яна выказала надзею, што забойца Барыса Нямцова будзе знойдзены. Пры гэтым праваабаронца адзначыла, што на яе памяці «няма ніводнага палітычнага забойства», замоўнік якога быў бы вызначаны.
Возложили цветы. Нет слов. Как это может произойти в России в 2015 году.
— Рубанов Роман (@rrubanov) 28 февраля 2015
Волонтеры Весны возложили цветы на месте гибели Бориса Немцова pic.twitter.com/T3Ouh4kQZZ
— Кира Ярмыш (@Kira_Yarmysh) 28 февраля 2015
Барыс Нямцоў быў забіты позна ўвечары 27 лютага. У палітыка некалькі разоў стрэлілі з машыны. Сьледзтва разглядае некалькі вэрсіяў злачынства, адна зь якіх — «правакацыя для дэстабілізацыі палітычнай сытуацыі ў краіне».
У нядзелю, 1 сакавіка, у Маскве адбудзецца шэсьце памяці Барыса Нямцова. Прыхільнікі апазыцыі ўзгаднілі акцыю замест пратэстнага маршу «Вясна».
3. Марш состоится завтра в 15.00 от Китай-Города к мосту, на место гибели, марш согласованный с мэрией, всех можно и нужно туда звать
— Leonid Volkov (@leonidvolkov) 28 февраля 2015