Прэсьненскі суд Масквы адмовіўся адпусьціць апазыцыйнага палітыка Аляксея Навальнага на пахаваньне забітага ў пятніцу ўвечары Барыса Нямцова.
Суд палічыў, што апазыцыянер быў недастаткова блізкі з загінулым. Пра гэта Радыё Свабода паведаміў адвакат Вадзім Кобзеў. Паводле яго словаў, судзьдзя, па сутнасьці, ўказала на тое, што абарона Навальнага не падала, як ён выказаўся, «даведку аб сяброўстве» зь Нямцовым. Бок абароны мае намер абскардзіць рашэньне суда.
Первое человеческое решение СК. Костя завтра сможет проститься с Борисом Немцовым. Спасибо
— Константин Янкаускас (@jk289) March 2, 2015
Аляксей Навальны адбывае 15 сутак адміністрацыйнага арышту па абвінавачваньні ў парушэньні ўсталяванага парадку правядзеньня мітынгу. Падставай для затрыманьня і наступнага адміністрацыйнага разьбіральніцтва стала тое, што 15 лютага Навальны і яго прыхільнікі раздавалі ў маскоўскім мэтро ўлёткі з інфармацыяй аб антыкрызісным маршы «Вясна».
По мнению суда смерть Немцова не исключительное обстоятельство. Поэтому отпускать не нужно.
— Рубанов Роман (@rrubanov) March 2, 2015
Барыс Нямцоў быў забіты позна ўвечары 27 лютага на Маскварэцкім мосьце каля Крамля. Невядомы некалькі разоў стрэліў у сьпіну палітыка. Ад атрыманых раненьняў Нямцоў памёр на месцы. Ён будзе пахаваны заўтра на Траякураўскіх могілках Масквы.