Аляксандр Лукашэнка ў сераду прыбыў ва Ўфу для ўдзелу ў мерапрыемствах у рамках самітаў ШАС (Шанхайская арганізацыя супрацоўніцтва) і БРІКС.
Беларускі лідэр сустрэўся з Уладзімірам Пуціным, а таксама прыняў удзел у нефармальнай сустрэчы кіраўнікоў дзяржаў-удзельніц БРІКС, ШАС і ЕАЭС, паведамляе ТАСС.
Беларусь разьлічвае атрымаць статус назіральніка ў ШАС. «Беларусь ужо на працягу пяці гадоў мае статус партнэра па дыялёгу з ШАС, — заяўляў раней кіраўнік МЗС Беларусі Уладзімір Макей. — Мы зацікаўленыя ў тым, каб удзел Беларусі быў забясьпечаны ў арганізацыі на больш высокім узроўні».
Пуцін паабяцаў Лукашэнку, што заяўка Беларусі на атрыманне статусу назіральніка пры ШАС, будзе ўхваленая.
«Цяпер мы ў ШАС, і нас перастануць папракаць, што мы арыентуемся толькі на Захад», — зазначыў Лукашэнка. «На захад Расеі», — паправіў яго Пуцін.
Лукашенко: Теперь мы в ШОС, и нас перестанут упрекать, что мы ориентируемся только на Запад
Путин: на запад России pic.twitter.com/klZdswlDO3
— Дмитрий Смирнов (@dimsmirnov175) July 8, 2015
У ШАС уваходзяць Кітай, Расея, Казахстан, Таджыкістан, Кіргізія і Узбэкістан. Беларусь, разам з Турцыяй і Шры-Ланкой, мае статус «партнэра па дыялёгу».
Ва Ўфе праходзіць таксама саміт краін БРІКС — Бразыліі, Расіі, Індыі, Кітаю і Паўднёва-Афрыканскай Рэспублікі.
Некаторыя экспэрты мяркуюць, што Масква спрабуе стварыць блёк краін у процівагу Захаду. Іншыя аналітыкі ўпэўненыя — ня варта рабіць стаўку на спробы аб’яднацца супраць Вялікай сямёркі.
Зачем Лукашенко на саммитах БРИКС и ШОС? Белорусия подала заявку на статус наблюдателя ШОС. Приехал наблюдать pic.twitter.com/ZyD2MOAkIN
— Дмитрий Смирнов (@dimsmirnov175) July 8, 2015
Александр #Лукашенко прилетел без галстука и обнял встречавшего его в аэропорту главу Башкирии Рустэма Хамитова pic.twitter.com/RdPaQTxu0Z
— Дмитрий Смирнов (@dimsmirnov175) July 8, 2015
Пуцін запрасіў лідэраў БРІКС на нефармальны абед. Аляксандра Лукашэнкі на ім заўважана не было, хаця ён, паводле ТАСС, ехаў менавіта на «нефармальную сустрэчу».
Путин повез гостей - лидеров БРИКС обедать. Обед неформальный, но это первое официальное мероприятие саммита в Уфе pic.twitter.com/CFJeVJHq0o
— Дмитрий Смирнов (@dimsmirnov175) July 8, 2015