Расейскія зьнішчальнікі-бамбавікі Су-34, якія ўдзельнічаюць у апэрацыі ў Сырыі, з панядзелка абсталёўваюцца ня толькі бомбамі, але і ракетамі «паветра-паветра» з далёкасьцю паражэньня да 60 кілямэтраў.
Пра гэта заявіў прадстаўнік Паветрана-касьмічных сіл Расеі Ігар Клімаў. Паводле яго, «самалёты аснашчаны ракетамі для абароны». Фота Су-34 з ракетамі ў небе над Сырыяй ўжо зьявіліся ў сеціве:
PHOTO: Flying in #Syria today, Su-34 w/ possible air-to-air missiles - @AEJKhalil
HD: https://t.co/egWQh5br1k pic.twitter.com/ARDyFeshMS
— Conflict News (@Conflicts) November 30, 2015
24 лістапада турэцкі зьнішчальнік F-16 зьбіў расейскі баявы самалёт Су-24. Турэцкі бок сьцьвярджае, што Су-24 парушыў паветраную прастору Турцыі. Пасьля гэтага інцыдэнту на расейскай авіябазе ў Сырыі былі разгорнутыя зэнітна-ракетныя комплексы С-400, было таксама заяўлена, што бамбавікі будуць адпраўляцца на баявыя заданьні пад прыкрыцьцём зьнішчальнікаў.
Цела пілёта зьбітага самалёта Алега Пешкава было дастаўлена з Анкары ў Расею.