Беларуская плыўчыха Аляксандра Герасіменя завяршыла спаборніцтвы на дыстанцыі 100 мэтраў вольным стылем на стадыі паўфіналу.
Як паведамляе SPORT.TUT.BY, у сваім заплыве двухразовая алімпійская віцэ-чэмпіёнка Лёндана-2012 паказала восьмы час з вынікам 54,34.
Сярод двух паўфіналаў такі вынік стаў 13-м, у той час як у вырашальны заплыў адбіраюцца толькі восем лепшых удзельнікаў.
У кваліфікацыі Аляксандра Герасіменя таксама паказала 13-ы час. У пятніцу 12 жніўня беларуска будзе адбірацца ў фінал Алімпіяды на дыстанцыі 50 мэтраў вольным стылем.