Гілары Клінтан ці Дональд Трамп — адказ, хто будзе наступным прэзыдэнтам Амэрыкі, стане вядомы трохі больш чым праз два тыдні. Ці, магчыма, ён вядомы ўжо пасьля трэціх дэбатаў кандыдатаў, якія прайшлі ў Лас-Вэгасе.
Чым былі тэледэбаты ў ЗША: спаборніцтвам ідэяў ці вайной кампраматаў? Хто змагаецца — асобы ці сьветапогляды? Хто выбірае — інтэлектуальныя эліты ці народныя эмоцыі?
Гэта абмяркоўваюць у «Зоне Свабоды» вядучы Аляксандар Лукашук, Ганна Соўсь, Юры Дракахруст у Празе і з Вашынгтону — Франак Вячорка.