У Берасьці невядомыя аблілі чырвонай фарбай пастамэнт помніка Леніну. Пра гэта паведамляе інтэрнэт-выданьне «Рэальны Брэст». У прыватнасьці, напалову заліты надпіс па-расейску «Ленин».
Здарылася гэта за дзень да дня нараджэньня «правадыра ўсясьветнага пралетарыяту», які прыхільнікі камуністычнай ідэалёгіі адзначаюць 22 красавіка традыцыйным ускладаньнем вянкоў і кветак.
Цяпер на месцы інцыдэнту працуюць супрацоўнікі камунальных службаў, якія адціраюць фарбу, а таксама прадстаўнікі Сьледчага камітэту.