Пра гэта ў панядзелак заявіў вярхоўны камісар ААН у правах чалавека Зэйд аль-Хусэйн на брыфінгу ў Жэнэве. Ён падкрэсьліў, што ААН працягне сачыць за гэтай сытуацыяй.
#LGBTI in #Chechnya: Investigations must be deepened, we will continue to monitor situation closely - #Zeid @UNGeneva brieifing @free_equal
— UN Human Rights (@UNHumanRights) May 1, 2017
У пачатку красавіка расейская «Новая газэта» апублікавала расьсьледаваньне пра перасьледы гомасэксуалаў у Чачні. Выданьне сьцьвярджала, што ў рэспубліцы без суду і сьледзтва забіваюць прадстаўнікоў гей-супольнасьці, незаконна пазбаўляюць іх свабоды і катуюць.
Улады Чачні абвінавацілі газэту ў паклёпе.Радыё Свабода таксама пісала пра рэпартаж карэспандэнта Сяргея Хазава-Касіа пра турму ў сяле Цоцы-Юрт, куды зьмяшчалі ўсіх, каго падазравалі ў гомасэксуальнасьці.