Пра гэта было абвешчана па выніках праведзенай у чацьвер тэлефоннай размовы прэзыдэнтаў дзьвюх краін — Дональда Трампа і Мун Чжэ Яна. Паведамляецца, што Трамп мае намер накіраваць на Алімпіяду прадстаўнічую амэрыканскую дэлегацыю, у якую ўвойдуць і яго сямейнікі.
У ходзе размовы Трамп вітаў адноўлены дыялёг паміж КНДР і Паўднёвай Карэяй — паведамляе афіцыйны Сэул. У твітэры прэзыдэнт ЗША назваў аднаўленьне кантактаў Сеулу і Пхэньяну «добрай справай», адзначыўшы сваю ролю ў дасягненьні выніку: «няўжо нехта думае, што дыялёг паміж Паўночнай і Паўднёвай Карэяй быў бы магчымы без маёй цьвёрдай і моцнай пазыцыі і гатоўнасьці выкарыстаць усю нашу моц супраць Паўночнай Карэі,» — напісаў Трамп.
With all of the failed “experts” weighing in, does anybody really believe that talks and dialogue would be going on between North and South Korea right now if I wasn’t firm, strong and willing to commit our total “might” against the North. Fools, but talks are a good thing!
— Donald J. Trump (@realDonaldTrump) January 4, 2018
Пхэньян раней рэзка асуджаў пляны правесьці вучэньні падчас Алімпіяды, сьцьвярджаючы, што гаворка ідзе пра падрыхтоўку да ўварваньня ў КНДР.
Лідэр Паўночнай Карэі Кім Чэн Ын у сераду загадаў пачаць перамовы з Паўднёвай Карэяй праз спэцыяльную закрытую лінію сувязі ў дэмілітарызаванай зоне на мяжы дзьвюх краін. Сэул вітаў гэты крок. Першыя кантакты з выкарыстаньнем гэтай лініі ў чацьвер, аднак, не прывялі да нейкіх дамоўленасьцяў аб пачатку поўнафарматных перамоваў.