Кіраўнік Паўночнай Карэі Кім Чэн Ын прыбыў зь візытам у Кітай, паведаміла са спасылкай на свае крыніцы агенцтва Bloomberg. Афіцыйнага пацьверджання гэтай інфармацыі пакуль няма.
Раней пра візыт Кім Чэн Ына ў Кітай паведамлялі кітайскія выданьні. Паводле іх дадзеных, лідэр КНДР прыбыў у краіну на цягніку. Адзначаецца, што гэта першая замежная паездка для Кім Чэн Ына з моманту прыходу да ўлады ў Паўночнай Карэі ў 2011 годзе. Колькі дзён працягнецца знаходжаньне кіраўніка КНДР у Кітаі, і з кім ён там сустрэнецца, невядома.