Брытанскія ўлады могуць зачыніць гандлёвае прадстаўніцтва Расеі ў Лёндане ў сувязі са «справай Скрыпаля». Пра гэта паведамляе газэта The Telegraph са спасылкай на крыніцы.
Суразмоўцы газэты назвалі гандлёвае прадстаўніцтва «логавам шпіёнаў».
Раней Вялікабрытанія выслала 23 расейскія дыпляматы і прыпыніла двухбаковыя кантакты з Расеяй з падазрэньня ў яе датычнасьці да атручваньня ў Солсбэры былога разьведчыка Сяргея Скрыпаля і яго дачкі Юліі.
Масква адказала «люстраным чынам» і выслала 23 брытанскія дыпляматы. Учора Крэмль запатрабаваў ад Вялікабрытаніі зраўнаць колькасьць супрацоўнікаў брытанскіх дыпляматычных місій у Расеі і расейскіх у Лёндане.
Раней больш за 25 краін падтрымалі Вялікабрытанію і абвясьцілі пэрсонамі нон-грата больш за 150 супрацоўнікаў расейскага МЗС праз справу Сяргея Скрыпаля.
Лёндан абвінавачвае Маскву ў датычнасьці да замаху на былога разьведчыка і яго дачку. Сьцьвярджаецца, што іх атруцілі нэрвова-паралітычным рэчывам «Навічок» савецкай вытворчасьці. У Расеі такія абвінавачваньні называюць правакацыяй