Тэлеканал RT паказаў у прамым эфіры фрагмэнт інтэрвію з двума мужчынамі, якія прадставіліся як «Аляксандр Пятроў» і «Руслан Башыраў» — людзей з такімі імёнамі сьледзтва ў Вялікабрытаніі раней абвінавацілі ў атручэньні ў Солсбэры Сяргея Скрыпаля і яго дачкі Юліі.
Галоўны рэдактар RT Маргарыта Сыманьян, якая і ўзяла інтэрвію, раней напісала, што гэтыя людзі самі патэлефанавалі ёй — у той жа дзень, калі расейскі прэзыдэнт Уладзімір Пуцін заявіў, што ўладам вядома, хто такія Башыраў і Пятроў, і што яны не зьяўляюцца супрацоўнікамі спэцслужбаў, і ў іх дзеяньнях не было крыміналу.
‘We’re not agents’: UK’s suspects in #Skripal case talk exclusively with RT’s editor-in-chief LIVE: https://t.co/k8NA6RPsxD pic.twitter.com/loRSk7zk7D
— RT (@RT_com) September 13, 2018
На пытаньне Сыманьян «Хто вы такія?» двое мужчын адказалі, што адзін зь іх — Пятроў, а другі — Башыраў.
На пытаньне аб тым, што яны рабілі ў Солсбэры, абодва адказалі, што езьдзілі туды як турысты паглядзець на катэдральны сабор.
Яны таксама заявілі, што пасьля абвінавачаньняў з боку Брытаніі іх жыцьцё ператварылася ў кашмар.
Цалкам інтэрвію RT абяцае паказаць пазьней.