Амэрыканская прыватная касьмічная кампанія SpaceX паведаміла ў Twitter, што падпісала кантракт з прыватным пасажырам на палёт вакол Месяца. Калі ўсё атрымаецца, гэта будзе першы касьмічны турыст, які зьлётае далей за арбіту Міжнароднай касьмічнай станцыі.
SpaceX has signed the world’s first private passenger to fly around the Moon aboard our BFR launch vehicle—an important step toward enabling access for everyday people who dream of traveling to space. Find out who’s flying and why on Monday, September 17. pic.twitter.com/64z4rygYhk
— SpaceX (@SpaceX) 14 сентября 2018 г.
Турыста абяцаюць запусьціць у дапамогай Big Falcon Rocket — гэта праект SpaceX у стварэньні шматразовай ракеты з магчымасьцю дазапраўкі на арбіце і касьмічнага апарата для міжплянэтных пералётаў.
Касьмічныя турысты пэрыядычна лятаюць на арбіту ад 1990 году, амаль ва ўсіх выпадках — на МКС. Палёты могуць сабе дазволіць толькі самыя багатыя, бо «квіток» каштуе дзясяткі мільёнаў даляраў.
Імя турыста абяцаюць назваць 17 верасьня. Падобна, што высадкі на Месяц не плянуецца — толькі аблёт вакол. Пакуль што кампанія толькі піша, што палёт мае стаць важным крокам на шляху ажыцьцяўленьня мары звычайных людзей вандраваць у космасе, а таксама нагадвае, што так блізка да Месяца не падбіраліся з 1972 году, калі завяршыліся пілятаваныя палёты паводле праграмы «Апалён».
ГЛЯДЗІЦЕ ТАКСАМА: Кітай сабраўся вырасьціць бульбу на Месяцы ГЛЯДЗІЦЕ ТАКСАМА: Трамп: ЗША створаць на Месяцы базу для палётаў на Марс