У галасаваньні ўдзельнічалі толькі рэспубліканцы: прадстаўнікі Дэмакратычнай партыі пакінулі пасяджэньне камітэту. Канчаткова кандыдатура Каваны на пасаду судзьдзі павінен зацьвердзіць Сэнат. Галасаваньне пройдзе ў суботу.
Тры жанчыны абвінавацілі Брэта Кавану ў згвалтаваньнях, якія нібыта мелі месца на адной з студэнцкіх вечарынак у пачатку 80-х гадоў. Сярод іх — прафэсар псыхалёгіі Крысьцін Блэзі Форд, напярэдадні яна дала паказаньні ў Сэнаце.
ГЛЯДЗІЦЕ ТАКСАМА: Кандыдат у Вярхоўны суд ЗША адхіліў у Сэнаце абвінавачаньні ў дамаганьняхСам Кавана адхіліў абвінавачваньні ў дамаганьнях. Ён заявіў, што не прысутнічаў на вечарыне, пра якую казалі меркаваныя ахвяры гвалту. Кавана даў паказаньні Сэнату, патлумачыўшы, дзе ён быў у той ўікэнд, і назваўшы імёны сяброў, зь якімі бавіў час.
Прэзыдэнт ЗША Дональд Трамп унёс кандыдатуру Каваны пасьля адстаўкі судзьдзі Энтані Кэнэдзі. Дэмакраты асьцерагаюцца, што, калі Кавана стане судзьдзём Вярхоўнага суду, балянс сіл там зьменіцца на карысьць кансерватараў.
ГЛЯДЗІЦЕ ТАКСАМА: Чаму ў ЗША разгарнулася вострая барацьба вакол кандыдата ў члены Вярхоўнага судуБелы дом адмаўляе абвінавачваньні на адрас Каваны, называючы іх спробай дэмакратаў сарваць прызначэньне судзьдзі, вядомага сваімі кансэрватыўнымі поглядамі.